Britania e Madhe 4 milione euro per Policine Shkencore

Tirane-Mbyllet programi i financuar nga Mbreteria e Bashkuar, per modernizimin e policise shkencore. Ceremonia permbyllese u zhvillua dje ne Ministrine e Brendshme, ne prani te zv/ministrit te Brendshem, Avenir Peka dhe ambasadores se Mbreterise se Bashkuar, Fiona Mcllwham. Ky program ka filluar ne vitin 1998 dhe eshte permbyllur ne dhjetor 2009. Sipas njoftimit te Ministrise se Brendshme, investimet per realizimin e ketij programi llogariten ne rreth 4 milione euro. Ne Institutin e Policise Shkencore jane implementuar metoda dhe jane instaluar sisteme dhe pajisje moderne, per ekzaminimet e ndryshme kriminalistike, perfshire edhe pajisjet per ekzaminimet me ane te ADN-se. Programi i mbeshtetur financiarisht nga Mbreteria e Bashkuar "Per modernizimin e Policise Shkencore Shqiptare", pervec investimeve ne sisteme, pajisje e mjete teknike, ka perfshire edhe trajnimin e specialisteve te sektoreve te ndryshem te kesaj policie, per perdorimin me efikasitet te metodave dhe aparaturave moderne.