Pezullohet lundrimi me tragetin e linjes Fierze-Koman

Tropoje-Hapja e tuneleve te shkarkimit ne hidrocentralin e Fierzes, ka pezulluar lundrimin e tragetit te linjes Fierze-Koman, qe lidh Tropojen me pjesen tjeter te vendit. Rritja e menjehershme e nivelit te liqenit dhe rrymat e rrezikshme te ujit, kane detyruar drejtuesit e kompanise menaxhuese, te marrin kete vendim per te mos rrezikuar jeten e pasagjereve. Perfaqesuesit e kompanise, njoftuan pasagjeret per nderprerjen e transportit, per shkak te rrezikshmerise se lundrimit. Trageti ka nje kapacitet deri ne 350 udhetare. Rreziku qendronte ne perplasjen e tij me shkembinjte ne ngushticat e itinerarit, nese kryhej lundrimi. Sapo kane marre kete njoftim, pasagjeret se bashku me automjetet e tyre kane marre rrugen tjeter per ne Tropoje, qe kalon ne aksin rrugor te Qafe Malit. Edhe ne kete rruge reshjet e shiut kane shkaktuar probleme, per shkak se ditet e fundit ka pasur rreshqitje te medha dheu te cilat disa here kane bllokuar kalimin e automjeteve. Nderkohe sipas te dhenave nga drejtoria e rrugeve aksi Fierze- Fushe Arrez, i cili ka qene i bllokuar per shkak te rreshqitjes se dherave, pas punes se ndermarrjes se rrugeve eshte hapur. Permiresimi i motit dhe nderprerja e shkarkimeve, pritet te vere serish ne levizje tragetin e kesaj linje, gje per te per te cilen kompania do te njoftoje ne ditet ne vazhdim pasagjeret.