Brukseli: Instalimi i aparaturave që lexojnë kartat e identitetit, kërkesë absurde, s’ka kohë për to

UPDATE- Bashkimi Evropian flet për herë të parë zyrtarisht lidhur me një kërkesë të Partisë Socialiste, në kuadër të vargut të gjatë të pretendimeve të opozitës, lidhur me garancitë e zgjedhjeve të 8 majit. Kësisoj, Komisioni Europian konfirmon nëpërmjet zëdhënëses së Komisionerit Stefan Fyle se është dakord me palën shqiptare mbi çështjen e vënies në dispozicion të aparateve të reja të verifikimit të kartave të identitetit në zonat e votimit, por sic edhe mund të kuptohet ky proces kërkon një kohë të mjaftueshme për t’u realizuar dhe se është totalisht e pamundur adaptimi i tij për zgjedhjet vendore të 8 majit. “Vetëm një muaj para zgjedhjeve do të ishte e vështirë vendosja e këtyre pajisjeve”- është shprehur Natasha Butler.Ajo i është referuar edhe çështjeve të tjera që janë diskutuar në takimin e dytë të këshillit të asociimit dhe stabilizimit KE-Shqipërinë në Bruksel.