Bufi: Legalizimet, ankimim ne Gjykaten Kushtetuese

Opozita nuk terhiqet per legalizimet. Partia Socialiste do te ankimoje ne Gjykaten Kushtetuese ndryshimet e votuara ne Kuvend dy dite me pare per ligjin e legalizimeve. Ndryshime te detyruara pas kthimit qe nje muaj me pare i beri ligjit Presidenti i Republikes, Bamir Topi. Nenkryetari socialist i Kuvendit, Ylli Bufi, tha dje se PS nuk e konsideron te mbyllur ceshtjen e legalizimeve. “Miratimi ne Kuvend me ndryshime qesharake i nje ligji te kthyer njehere nga Presidenti, shihet nga opozita si nje tjeter shembull i perplasjes se mazhorances me Presidentin e zgjedhur nga ata vete”, tha Bufi. Sipas tij, mazhoranca u tregua teresisht hermetike ne diskutimet qe ju bene ketij ligji pas kthimit nga Presidenti. E meraku i selise roze ishte fakti qe pushtetit lokal nuk iu dhane serish kompetencat e merituara, por iu lane nje agjencie qeveritare, sic eshte ALUIZNI. “71 votat pro ne sallen e Kuvendit treguan se mazhoranca nuk ka te njejtin qendrim brenda saj per legalizimet”, vijoi Bufi. Per kete arsye, PS, sipas Bufit, do t’i drejtohet Gjykates Kushtetuese si e vetmja mundesi per te penguar ligjin problematik. Ne kete gjykate ndodhet nje tjeter ankim i bere nga shoqatat e ish-pronareve ne vend. “Mazhoranca kuvendore miratoi krejt papritur jashte rendit te dites pr/ligjin per legalizimet”, vijoi ankesat Bufi.