Bugajski: Plani i OKB, dualizem tek institucionet

Rreth projekt-propozimit te fundit te OKB per misonin EULEX ne Kosove eshte prononcuar sot edhe analisti i njohur per ceshtjet ballkanase, Janush Bugajski.

Ne nje interviste per Top Channel, Bugajski tha se plani sjell dualizem ne funksionimin e institucioneve te Kosoves dhe potencialisht drejt ndarjes se saj.

“Nuk mendoj se plani eshte nje ide e mire dhe po ashtu edhe menyra se si eshte prezantuar ai. Ai nuk eshte konsultuar me banoret, me Prishtinen zyrtare dhe nuk parashikon implementimin e planit te Ahtisarit. Ky plan sjell ne ndarjen potenciale te shtetit te Kosoves”, ka pohuar Bugajski.

Ai komenton edhe idene e kembimit te territoreve  duke mos e rrezuar si opsion, por e shikon si mundesi vetem nese plotesohen disa kushte.

“Po degjohet shpesh te flitet jo vetem per ndarje, por edhe shkembim te territoreve. Por per kete duhet te kete njohje bilaterale, domethene qe Serbia te njohe Kosoven dhe me pas shkembimi mund te implementohet nen mbikeqyrjen e nderkombetareve. Ka pasur shkembime paqesore territoresh si ajo mes Republikes Ceke dhe asaj sllovake”, ka sugjeruar Bugajski.

Me tej analisti i njohur e ka vene theksin tek negociatat, duke u shprehur ne favor te vazhdimit te tyre, por i ka sugjeruar pales kosovare qe te vendose kushte, ashtu si ajo serbe.

“Nuk mendoj se negociatat duhet te ndalen. Menyra me e mire eshte te vazhdohet me negociata, por edhe kosovaret te vendosin kushtet e tyre. Per shembull, ata mund te thone se e pranojne planin nese Serbia njeh pavaresine”, ka shtuar Bugajski.