Bullgari, aksion kundër makinave të vjedhura

Sofje - Bullgaria vitet e fundit është shndërruar në një vendet më problematike sa i përket trafikut të makinave luksoze. Policia e këtij vendi ka ndërmarrë një hetim të gjerë mbi një rrjet ndërkombëtar të makinave të vjedhura.

Prokuroria e Sofjes njofton se aksioni është ndërmarrë me kërkesë të autoriteteve franceze.
Gjatë kësaj jave në Bullgari është ushtruar kontroll në dhjetëra garazhe, zyra dhe apartamente, dhe janë marrë në pyetje shumë dëshmitarë në kuadër të procedurave.

"Policia identifikoi dhjetëra të dyshuar, shtetas bullgarë dhe të huaj, që mendohet se janë pjesë e këtij rrjeti, i cili merrej me shitjen e makinave luksoze të vjedhura në perëndim të Evropës", thekson prokuroria e Sofjes.