Bullgari jep garanci per vizat e integrimin ne BE

Gjate vizites zyrtare ne Shqiperi, ministri i Puneve te Jashtme te Bullgarise, Nickolay Mladenov, zhvilloi takime me Presidentin Topi dhe kryetaren e Parlamentit, Jozefina Topalli. Ne takimin e zhvilluar ne Presidence, ministri i Jashtem bullgar, shprehu vleresimin per rrugetimin e perbashket si dy vende mike dhe aleate. Ne kete kuader ai e siguroi Kreun e shtetit shqiptar mbi vendosmerine dhe mbeshtetjen e Bullgarise per procesin e liberalizimit te vizave ne nje kohe sa me te shpejte dhe "per integrimin te plote te Shqiperise ne strukturat evropiane, pasi kjo do te ishte jo vetem ne te mire te vendit tone, por edhe te vete Bashkimit Evropian". Ndersa ne takimin e kryeparlamentaren, Mladenov nenvizoi se vendimi per heqjen e vizave mes Shqiperise dhe BE-se do te merret se shpejti, bazuar ne nje raport pozitiv te Komisionit. Sipas tij, ne takimet edhe me komisioneret e BE-se, kane diskutuar mbi arritjet dhe hapat e Shqiperise ne plotesimin e detyrimeve per liberalizimin e vizave. Per sa i perket situates politike ne Shqiperi, ministri bullgar tha se "dialogu politik duhet te behet brenda parlamentit dhe sipas ligjeve te vendit. Ai tha se kjo eshte ne interes te Shqiperise.