PD: Hiqeni cadren, jo me shfaqje cirku
Denis Dedej
Partia Demokratike i kerkoi dje Partise Socialiste qe te heqe dore nga greva e urise dhe t'i jap fund kesaj rruge. Apeli eshte bere nga dy deputetet demokrat, Rajmonda Bulku dhe Florian Mima. Ne nje komunikim per mediat, deputetja Bulku tha se prej 14 ditesh tashme po ndjekin nje shou te paprecedent ne mes te Tiranes, ku protagoniste jane nje cader dhe disa njerez qe as vete nuk e dine se pse qendrojne aty dhe as se cfare kerkojne. "Prej 14 ditesh ndotin bulevardin kryesor te Tiranes, ne nje perpjekje "donkishoteske" per te bindur shqiptaret se Gramoz Ruci, Xhelil Gjoni, Hamit Beqja, Sul Bushati, Myslym Peza madje edhe Ramiz Alia, gjene me te shtrenjte ne kete jete na paskan voten e lire, transparencen, demokracine", u shpreh deputetja e Partise Demokratike. Duke vijuar me tej, ajo tha se ndoshta shqiptaret nuk do t'i kishin perbuzur me shperfilljen e tyre, nese perpara se te merrnin kete vendim nen kete arsyetim qesharak, do te kishin dhene te pakten nje prove mirebesimi duke treguar: Ku i kane varrosur ata shqiptare qe per 45 vjet i vrane se kerkuan liri, demokraci e vote te lire. Sipas saj, sot kur Evropa eshte me prane nesh se kurre, kur pasaporta shqiptare po fiton dinjitetin e mbajtur peng kaq gjate prej te njejteve protagoniste, nen te njejtin flamur e ide, eshte shume vone. "Lironi bulevardin! Hiqeni cadren, se cirku qe po shfaqni i ka ikur koha diten kur shqiptaret ju shporren nga jeta e tyre 20 vjet me pare, per te mos ju rikthyer me kurre", apeloi Rajmonda Bulku. Ne nje tjeter deklarate per shtyp, deputeti demokrat, Florian Mima, tha se mendje te semura e te privuara teresisht nga arsyeja e shendoshe, prej 14 ditesh po tentojne t'u bllokojne shqiptareve cdo rruge, ate qe te con ne shkolle, ate qe te con ne pune, ate qe te con maternitet, madje per turp te tyre, sic e kemi pare ne media edhe ate qe te con ne banesen e fundit. "Zoti Rama, aventura me e fundme qe keni ndermarre, eshte me e pakuptimta, me e paarsyeshmja, me e keq realizuara, me e deshtuara qe ne pikenisje, e kesisoj ajo e denja per te qene aventura juaj e fundit ne kurriz te shqiptareve. Ju ftoj t'i jepni fund kesaj shfaqje qesharake; hiqni kampin e fushimit e terhiqni zboristet nga Bulevardi!", apeloi Mima. Ai i kerkoi kryesocialisti qe te lere zonjat te shkojne te flene ne shtepi prane burrave, femijeve te tyre, sepse shqiptaret nuk i terrorizon dot me me "alarme" e luftera imagjinare. Duke iu drejtuar kreut te opozites, deputeti demokrat, tha se ai eshte jashte kohe, ne vendin e gabuar, me njerezit e gabuar, ne menyren me te gabuar.