Bulqizë, policia shoqëron 10 organizatorët e protestave

Policia e Bulqizës ka shoqëruar sot për në komisariat 10 minatorë të cilët akuzohen për organizim të protestave. Sipas informacioneve më të fundit mes të shoqëruarve është kreu i sindikatës së minatorëve Dilaver Përkoca, kryetari i grevës së urisë Luan Nika si dhe minatorë të tjerë pjesëmarrës në protestat e ditëve të fundit në Bulqizë.
Ndërkohë minatorët e Bulqizës kanë paralajmëruar një protestë ditën e nesërme ndërsa vendimi për vazhdimin e grevës së urisë do të merret nga sindikata e minatorëve.
Ndërkohë pas 27 ditësh në grevë urie, minatorët e Bulqizës e ndërprenë dje atë dhe u dërguan në spital për të marrë ndihmën mjekësore.
Ata janë shprehur se ditën e hënë do të rinisin sërisht grevën pranë ambienteve të jashtme të ACR-së ndërsa kanë kërkuar që të gjtha deklaratat e përfaqësuesve të ACR-së se janë plotësuar kërkesat e minatorëve të respektohen në mënyrë që të arrihet nënshkrimi i një marrëveshjeje.