Bulqize rifillon puna ne miniere
Minatorët e minierës së Bulqizës i janë rikthyer punës mëngjesin e së enjtes, pas varrimit të një dite më parë të kolegut të tyre Naim Shyti.
Sipas informacioneve të fundit, minatorët kanë rifilluar punën në nivelet 12, 13 dhe 14, të cilët konsiderohen të sigurtë.
Ndërkohë që puna nuk ka rifilluar në nivelet 15 dhe 16, ku mësohet se ka rrjedhje gazi. Specialistë të minierave po inspektojnë nivelin 15 për të vendosur se c’do të bëhet më pas.
Minatori Naim Shyti, 39 vjec dhe baba i dy fëmijëve, ishte futur së bashku me dy kolegë në nivelin 16 të minierës me urdhër pune, për t’u kujdesur për ajrimin.
Por një shpërthim hidrogjeni dëmtoi rëndë atë duke i marrë jetën, si dhe duke plagosur rëndë 8 minatorë të tjerë.
Mëngjesin e së mërkurës, kolegët e minatorit të vrarë ndërprenë punën në shenjë proteste dhe shkuan pranë familjes së të ndjerit për t’i bërë nderimet e fundit.
Ndërkohë, tre minatorë të plagosur u dërguan po të mërkurën për kurime të mëtejshme në Spitalin Amerikan në Tiranë, pasi morën ndihmën e urgjencës në Spitalin Ushtarak.
Lidhur me ngjarjen, prokuroria ka nisur hetimin duke thirrur dhe marrë në pyetje drejtuesit e minierës dhe minatorët që kanë djeni për të.
Galeria ndodhet nën administrimin e kompanise “ACR”, e cila për tre muaj rresht u përball me grevën e minatorëve që kërkonin më shumë siguri në punë.
Grupi është futur në nivelin 16 për të vendosur sistemin e ajrimit të këtij niveli. Gazmatësi ka diktuar nivele shumë të larta të hidrogjenit dhe ka kërkuar që minatorët të dalin me shpejtesi, por fatkeqësisht një shkëndijë e ka ndezur atë dhe ka shkaktuar shpërthimin tragjik.
Ekipet e shpëtimit i kanë nxjerrë minatorët nga nëntoka. Fillimisht dolën 8 prej tyre, njëri prej të cilëve i vdekur, ndërsa më vonë u gjet edhe minatori i nëntë i plagosur.
Të dëmtuarit pësuan fraktura dhe djegie të mëdha dhe u nisën për në spitalin e qytetit. Tre prej tyre janë në gjendje të rëndë dhe u dërguan në spitalin ushtarak në Tiranë me helikopter.
Në Bulqizë, minatorët tregojnë për minutat e vështira që kaluan nëntokë ndërsa ndodhi shpërthimi.
”Në momentin e parë u futën tre punonjësit e ajrimit, me pajisjet që ishin dhënë nga drejtoria. Më moment kur ka ndodhur shpërthimi i parë, me të dytin nuk ndiemë më asgjë fare. Pasi u shpua një vrimë për në nivelin e 21-të, doli hidrogjen, i cili është shumë më i rrezikshëm se gazi metan, pasi ka veti shumë shpërthyese. Indidenti ndodhi kur po largoheshim pasi gazmatësi tregoi se do të ishte shumë e rrezikshme të qëndronim”, shprehet Agim Përkola, një prej minatorëve të plagosur.
Në minierë ka shkuar edhe zv/ministri ekonomisë, Neritan Alibali. “Bashkë me interesimin për minatorët e plagosur, kemi ardhur këtu edhe për të konstatuar se çfarë ka ndodhur realisht. Të jeni të sigurt se të gjithë do të mbajnë përgjegjësitë, sipas pjesës së tyre të fajita”, tha ai.
Ish-drejtuesi grevës së urise, minatori Baki Bajraktari pretendon për shkelje që sollën edhe aksidentin e rëndë: “Në këtë front as që duhet të ishte punuar fare, sepse nga 0,5% që duhet të ketë nivelin e tij gazi, kishte shkuar në dy. Kur gazmatësi tregon dy, puna duhet të ndërpritet menjëherë deri sa të zbresë në 0,5%, por ata i detyruan dhe shikoni si shkoi. Tre muaj këtë kërkuam ne, siguri në punë dhe ja ku jemi”.
Kompania “ACR” ka sqaruar zyrtarisht se ngjarja ndodhi në oren 10, kur grupi ekspert i ajrimit në përbërje e të cilit është gaz-matësi dhe tre punëtorë ajrimi kanë vajtur në front për të matur gazin dhe për të përgatitur tubat për ajrimin e frontit.
Pas disa momentesh, kur këta ekspertë ishin në distancë rreth 40 – 50 metra larg ballit të punimit ka ndodhur shpërthimi.
”ACR” shprehu hidherimin e thellë për humbjen e jetës së punëtorit të ajrimit Naim Shyti. Ndërkohë, Prokuroria e Dibrës, e cila ka nisur hetimet, ka bllokuar të gjithë dokumentacionin e ACR-së.
if (window.ads_ad_block){ads_ad_block=ads_ad_block+1;}else{ads_ad_block=1;} function showAdBlock_2136(ppc_ad_block_count) { title = document.title; show_ads_id = 2136; show_ads_url = "http://www.kosoftads.com/publisher-show-ads.php"; block_count=ppc_ad_block_count; iframe_width=580; iframe_height=115; metainfo=document.getElementsByTagName('meta'); ref=document.referrer; showContentAds(metainfo); } setTimeout("showAdBlock_2136("+ads_ad_block+")",1000*(ads_ad_block-1));
Më shumë nga kronika Angli, zbardhet identiteti i shqiptarit
Është zbardhur identiteti i shtetasit shqiptar që humbi jetën pasi u hodh nga treni i linjës Londër-Bruksel. Mbytja e anijes, të mbijetuarit, të tronditur
Dy të mbijetuarit nga mbytja e anijes 3400 toneshe me flamur maltez “Reina 1” ndodhen në gjendje të mirë shëndetësore në spitalin rajonal të Durrësit, por gjendja e tyre psikologjike është e rënduar. Durrës, fundoset anija, një i mbytur, 7 të zhdukur
Një anije tregtare është mbytur në brigjet e Durrësit, pasi është përplasur në orët e para të së enjtes me një traget të linjës Durrës-Bari. Tre të plagosur në Shkodër
Tre persona janë plagosur me armë zjarri në mbrëmjen e së mërkurës në qytetin e Shkodrës. Ngjarja ka ndodhur në ambientet e brendshme të lokalit “Ura e Thive”. Kapet vrasësi i Kavajës
Njeriu që terrorizoi për ditë të tera segmentin rrugor Kavaje – Lushnjë, i cili pasi ekzekutoi një taksist dhe vrau një roje karburanti u arrestua nga policia mesnatën e se martës.
Lajmet kryesore
Durrës, fundoset anija, një i mbytur, 7 të zhdukur
Vijojnë kërkimet për trupa të tjerë
Mbytja e anijes, të mbijetuarit, të tronditur
Fotoja në TCH, Frattini zihet ngushtë
Historia e Lavitolas me Shqipërinë
Angli, zbardhet identiteti i shqiptarit