Bumci: Ministrat, jo drejtues ne PD
Shtohen zerat nga radhet e demokrateve, ne favor te ndryshimeve ne statut dhe me konkretisht te perjashtimit te ministrave nga lidershipi i partise. Kryetari i Partise Demokratike per Tiranen, njeheresh anetar i Kryesise qendrore te partise, Aldo Bumci, u shpreh dje se nuk perjashtohet aspak mundesia, qe ne ndryshimet ne statutin e Partise Demokratike, te percaktohet mire edhe ndarja e posteve. Sipas Bumcit, ndarja e funksioneve ne statut, mes atyre ne parti dhe ne qeveri, pritet te marre se shpejti nje pergjigje ne ndryshimet ne statutin e PD-se. Kreu i PD-se per kryeqytetin, u shpreh se ndryshimet e pritshme qe do te behen ne statut, ne te gjitha rastet duhet te garantojne nje parti te forte dhe funksionale edhe ne rastin kur ajo eshte ne pushtet. Bumci, ne kete kuader, u shpreh optimist se ne ndryshimet ne statut, do te jepet nje pergjigje edhe per sa i perket ndarjes se posteve ministrore me ato drejtuese ne Partine Demokratike. Gjithnje nese kjo i sherben qellimit, u shpreh ai. Prej shume kohesh, ne seline blu po diskutohet mbi menyren e ndarjes se ketyre posteve, ndonese ende nuk ka marre nje pergjigje ne statutin e partise. Sipas Bumcit, paralelisht me ndryshimet ne statut, Partia Demokratike, eshte perfshire edhe ne nje proces analize te gjere per zgjedhjet parlamentare te 28 qershorit dhe rezultatin e tyre. "Procesi i kesaj analize te detajuar mbi zgjedhjet parlamentare ne Partine Demokratike, do te perfundoje perpara se te zhvillohet Kuvendi i kesaj force politike ne 12 dhjetor", u shpreh Bumci. Analiza sipas deputetit demokrat ne PD, ka perfshire te gjitha qarqet, ne menyre te vecante, kryeqytetin. Pak dite me pare, ishte deputeti demokrat, Fatos Beja, ai i cili tha se ministrat dhe perfaqesuesit e larte te ekzekutivit, nuk duhet te mbajne njekohesisht edhe poste drejtuese ne Partine Demokratike. Sipas tij, eshte e nevojshme qe keto pozicione te ndahen, ne menyre qe kujdesi i mazhorances te jete i njejte si per qeverisjen e vendit ashtu edhe per Partine Demokratike. Beja theksoi se nese te gjithe drejtuesit e partise do te jene ne pushtet dhe nuk ngelet asnje tek partia, eshte PD ajo qe e humbet forcen. Propozime te tilla ne kampin e djathte, po behen ne kuader te zhvillimit te Kuvendit te PD-se ne 12 dhjetor. Me rastin e mbledhjes se Kuvendit, PD vendosi ngritjen e nje komisioni te Organizimit dhe Kontrollit te Operacioneve Elektorale si dhe nje tjeter komision, per rishikimin e statutit. R. Rapushi