Bumci: PS falsifikoi dokumentin

Akuza te forta ne drejtim te socialisteve ne lidhje me shkresen zyrtare te dale nga Ministria e Drejtesise, qe sipas tyre permban dhe emrin e djalit te kryeministrit per ceshtjen e Gerdecit. Ish-ministri i Drejtesise, njekohesisht zedhenesi i grupit parlamentare te Partise Demokratike, Aldo Bumci hodhi diten e djeshme poshte, akuzat e bera nga opozita sipas te cilave, Bumci i ka derguar nje shkrese djalit te kryeministrit Berisha ku i jepte informacion ne lidhje me Gerdecin. Me ane te nje konference per shtyp, deputeti demokrat Aldo Bumci theksoi se te gjitha keto deklarata ishin te shpikura nga opozita dhe se ai nuk kishte derguar as nje shkrese te tille gjate kohes qe ishte ministrise i Drejtesise. Madje ai ka hedhur dyshimin e forte, sipas te cilin mund te jete falsifikuar gjithcka, duke bere thirrje qe te shikohet kaligrafia e shkrimit. "Gjate kohes qe kam sherbyer ne cilesine e ministrit te Drejtesise, i jam drejtuar vetem institucioneve shteterore dhe ne asnje rast personave private. As vete, as nepermjet ndonje vartesi nuk kam derguar shkrese, drejtuar z. Shkelzen Berisha", deklaroi Bumci gjate nje konference per shtyp. Sipas tij, cdo shkrim me dokumentin e pretenduar eshte i falsifikuar dhe nuk eshte i ministrit te Drejtesise, gje qe vertetohet shume thjesht nga verifikimi i kaligrafise dhe se ne arshiven e Ministrise se Drejtesise nuk gjendet asnje dokument qe te permbaje shenimin ne fjale. Ish-ministri i Drejtesise, Bumci deklaroi se te gjitha keto akuza qe vijne kunder tij, lidhen ne menyre te drejtperdrejte me hetimin e tragjedise se Gerdecit. Sipas Bumcit, opozita kerkon manipulimin e kesaj tragjedie dhe fajesimin politik te mazhorances ne lidhje me kete tragjedi te ndodhur muaj me pare.

"Deklarata te tilla jane deshmi flagrante e interesit te opozites per te bere kete falsifikim, per te manipuluar hetimin e kesaj ceshtje. Eshte koha kur te gjithe, presin te hetohet dhe zbardhet tragjedia e Gerdecit ndersa opozita po tregon se kerkon manipulimin politik", deklaroi dje Aldo Bumci nepermjet nje deklarate per shtyp, duke hedhur poshte si te paverteta te gjitha akuzat qe opozita i beri atij dy dite me pare ne Kuvend, ne lidhje me kete ceshtje.

Fatjona Mejdini

Akuzat

Deputetet e Partise Socialiste, Taulant Balla dhe Erion Brace e akuzuan dy dite me pare ish-ministrin e Drejtesise, Aldo Bumci se me ane te nje shkrese zyrtare i ishte drejtuar ne menyre te vecante, djalit te kryeministrit, Shkelzen Berisha i cili nuk mban asnje funksion publik dhe qe perben shkelje flagrante te ligjit, sipas tyre.