Bundestagu debaton për testet e embrioneve

Bundestagu në Berlin ka diskutuar për një çështje etike të rëndësishme: diagnozat e implantacionit të embrioneve.

Fjala është për ndalimin apo jo të testeve me embrione para fertilizimit artificial. Në parlament janë paraqitur tri projektligje të ndryshme.

Mbështetësit e një metode të tillë thonë se një diagnostifikim i këtillë do të mundësonte që çiftet me probleme gjenetike të lindin një fëmijë të shëndoshë.

Sipas tyre, një metodë e tillë e shtatzanisë artificiale me gjene të studiuara më parë do të zvogëlonte numrin e dështimeve dhe lindjeve të fëmijëve me të meta.

Ndërsa kundërshtarët pohojnë se fjala është për keqpërdorim dhe mundësi që të lindin të ashtuquajtur fëmijë të programuar më parë.