Bunjaku mbush bateritë
Dymbëdhjetë gola në sezonin e tij të parë në Bundesligën gjermane me Nurnbergun dhe pjesëmarrës në Kampionatin botëror me Zvicrën, Albert Bunjaku duket se i ka realizuar ëndrrat e tij.
Tani sulmuesi kosovar është duke i përjetuar pasojat e ëndrrave, pasi me kokë ende është në qiellin e shtatë dhe me mungesë të stërvitjeve, pasi i ka filluar me vonesë përgatitjet për edicionin e ri.
Mirëpo, Bunjaku thotë se po mundohet maksimalisht të zërë hapin me pjesën tjetër të ekipit. “Jam duke bërë ekstra stërvitje dhe besoj se deri në fillim të sezonit do të jem i gatshëm”, ka thënë Bunjaku për tabloidin gjerman, Bild.
Reprezentuesi i Zvicrës është i vetëdijshëm se në sezonin e kaluar nuk kishte shkëlqyer plotësisht. “Në fund të sezonit isha i lodhur fizikisht dhe psiqikisht. Tani jam i gatshëm të punoj më tepër që t’ia dal më mirë deri në fund të sezonit të ri”, ka thënë reprezentuesi zviceran.
Në sezonin e ri, duket se Bunjaku nuk do të luajë si zakonisht në qendër të sulmit, por në krah. “Nuk është problem. Mund të luaj edhe në atë pozitë”, ka theksuar Bunjaku.
Tani sulmuesi kosovar është duke i përjetuar pasojat e ëndrrave, pasi me kokë ende është në qiellin e shtatë dhe me mungesë të stërvitjeve, pasi i ka filluar me vonesë përgatitjet për edicionin e ri.
Mirëpo, Bunjaku thotë se po mundohet maksimalisht të zërë hapin me pjesën tjetër të ekipit. “Jam duke bërë ekstra stërvitje dhe besoj se deri në fillim të sezonit do të jem i gatshëm”, ka thënë Bunjaku për tabloidin gjerman, Bild.
Reprezentuesi i Zvicrës është i vetëdijshëm se në sezonin e kaluar nuk kishte shkëlqyer plotësisht. “Në fund të sezonit isha i lodhur fizikisht dhe psiqikisht. Tani jam i gatshëm të punoj më tepër që t’ia dal më mirë deri në fund të sezonit të ri”, ka thënë reprezentuesi zviceran.
Në sezonin e ri, duket se Bunjaku nuk do të luajë si zakonisht në qendër të sulmit, por në krah. “Nuk është problem. Mund të luaj edhe në atë pozitë”, ka theksuar Bunjaku.