Burg pa afat per policet e korruptuar. Skandali tre police nuk gjenden
BERAT - Tre nga gjashte policet e akuzuar nga prokuroria e Beratit per korrupsion nuk gjenden me pas afishimit te emrave te tyre ne listat e Gjykates. Nje fakt i tille behet i ditur nga burime te Prokurorise nderkohe qe mesohet se nga ana e gjyqtares se gatshme per ta eshte vendosur masa e sigurise arrest ne burg. Akuza e ngritur per gjashte policet eshte ajo e korrupsionit pasiv i personave qe ushtrojne funksione publike. Nderkohe nga Keshilli i Larte i Drejtesise jane derguar inspektore ne Gjykaten e Beratit te cilet do te hetojne lidhur me afishimin e emrave te punonjesve te policise rrugore per te cilet nga ana e organit te akuzes ishte kerkuar vendim ndalimi.
Seanca per gjashte policet rrugore eshte zhvilluar dje ne Gjykaten e Beratit teksa vendimi eshte marre nga gjyqtarja e gatshme Margarita Buhali. Ne pranine e perfaqesuesit te akuzes ajo ka vendosur per te gjithe personat ne hetim masen e sigurise arrest ne burg. Menjehere pas kesaj mesohet se nga ana e policise eshte vepruar per te ndaluar gjashte policet rrugore per te cilet ishin kryer hetime qe prej dates 20 korrik te ketij viti. Por ne oret e vona te mbremjes u be e ditur se vetem tre prej tyre jane ndaluar nderkohe qe tre te tjere rezulton te jene larguar
.
Nje gje e tille vjen si pasoje e berjes publike nga ana e Gjykates se Beratit te emrave te policeve te cilet ishin hetuar per rreth tre muaj nga ana e specialisteve te Ministrise se Brendshme. Gjithcka mesohet se ka nisur diten e merkure kohe ne te cilen nga ana e Prokurorise se Beratit eshte derguar ne gjykate dosja per gjashte punonjes te qarkullimit rrugor te qytetit te Beratit per te cilet eshte kerkuar vendim ndalimi. Por nderkohe nje kerkese e tille e prokurorise eshte hedhur ne short dhe listat me emrat e gjashte policeve si dhe akuza e ngritur ndaj tyre eshte publikuar. Nje gje e tille ka bere te mundur qe te zbulohet fakti qe nga ana e prokurorise ishte kerkuar ndalimi i gjashte policeve rrugore duke u dhene mundesine tre prej tyre qe te largohen. Burimet zyrtare te Prokurorise se Beratit bene te ditur te enjten se menjehere pasi eshte marre njoftim eshte urdheruar qe te sekuestrohej lista e shorteve dhe te fillonte procedimi penal per te zbuluar edhe se kush ishin pergjegjesit e ketij veprimi. Sipas kryeprokurorit Xhemal Saliaj me nje vendim te KLD-se ne vitit 2008 hedhja ne short e ketyre lloj masave eshte e ndaluar. Nderkohe behet e ditur se sipas procedurave hedhja ne short e ceshtjeve perfshin kancelarin dhe kryetarin e gjykates.
Pritet qe inspektoret e KLD-se dhe hetimet e prokurorise se Beratit te nxjerrin edhe se kush jane personat pergjegjes per publikimin e listes se policeve rrugore qe ndodheshin nen hetim.
Nga prokuroria e Beratit behet e ditur se policet jane fotografuar nderkohe qe kane marre para nga drejtues te ndryshem automjetesh qe kishin dokumente te falsifikuara apo te paplotesuara dhe qe paguanin policet qe te mos u bllokoheshin mjetet. Keshtu ka raste kur drejtues me targa false u kane dhene para policeve. Nje gje e tille ka sjelle edhe veshtiresi ne identifikimin e drejtuesve pasi duke pasur mjeti targa false nuk arrihet tek personi qe zoteron mjetin. Burime nga policia e Beratit shprehen se shumat e marra nga policet rrugore drejtuesve jane nga 200-1000 leke te reja por nje veprim i tille ishte i zakonshem per te gjithe punonjesit e qarkullimit. Hetimet kane treguar se te gjithe uniformat blu merrnin para dhe se nga dhjete punonjesit e marre nen vezhgim nga ekspertet e Ministrise se Brendshme te gjithe kane rezultuar me probleme pavaresisht se vetem per gjashte prej tyre eshte derguar kerkesa per vendim-ndalimi ne gjykate. Nga ana tjeter behet e ditur se edhe per kater personat e tjere po vijojne verifikimet nga ana e prokurorise per te vertetuar perfshirjen e tyre ne korrupsion.
Neni 259 - Korrupsioni pasiv i personave qe ushtrojne funksione publike
Ndryshuar me ligjin nr.9275 date 16.9.2004 neni 22
Kerkimi ose marrja drejtperdrejt ose terthorazi i cdo lloj perfitimi te parregullt ose i nje premtimi te tille per vete ose per persona te tjere ose pranimi i nje oferte a premtimi qe vjen nga perfitimi i parregullt nga personi qe ushtron funksione publike per te kryer ose mos kryer nje veprim qe lidhet me detyren a funksionin e tij denohet me burgim nga dy deri ne tete vjet dhe me gjobe nga peseqind mije deri ne tre milione leke.