Burg pa afat për tmerrin e lagjeve të pasura të Romës
Vlorë- Gjykata e Vlorës ka dhënë sot masën e sigurisë burg pa afat për tmerrin e lagjeve të pasura të Romës, Ali Islamajn.
29-vjeçari që u arrestua pas një aksioni të policisë, dy ditë më parë në Vlorë, akuzohet nga shteti fqinj për grabitje me dhunë. I njohur me nofkën ‘sy akulli Islamaj kërkohej ndërkombëtarisht për llogari të policisë italiane.
I arratisur më 14 janar të vitit të shkuar nga burgu Regina Coeli, 29-vjeçari kishte mundur të fshihej në fshatin e tij të lindjes në Drashovicë. Prej asaj kohe ai kishte ndërruar identitet dhe njihej me emrin Altin Hoxha, çka e ka ndihmuar të lëvizë lirisht gjatë arratisjes.
Mësohet se në operacionin e arrestimit të tij kanë marrë pjesë rreth 30 forca policore, mes të cilëve dhe 5 polica italianë. Policia ka pasur vështirësi në arrestimin e Islamajt pasi strehoej në disa zona. Në ngarkim të këtij shtetasi Gjykata e Penale e Romës ka lëshuar një urdhër arresti ndërkombëtar pasi dyshohet se në bashkëpunim me 8 persona të tjerë shqiptarë ka kryer më shumë se 50 Grabitje me dhunë të vilave luksoze në Itali. Pas kryerjes së procedurave ligjore, pritet ekstradimi i tij në Itali.
Shkrime të tjera me interes:
- Burg pa afat për 72 – vjeçarin që vrau të birin me sëpatë Pogradec- Gjykata e Faktit në Pogradec ka shpallur sot masën...
- Dhunimi i albitrit, burg pa afat për “të fortit” e Laçit Laç- Gjykata e Laçit vendosi masën “burg pa afat” për...
- Arrestohet në Vlorë grabitësi i vilave të Romës Vlorë- Një shtetas shqiptar i arratisur nga burgu në Itali,...