Burg pa afat, për vrasësin e Bekim Cengës

'Burg pa afat', kjo është masa e sigurisë ende në fuqi kundrejt Shpëtim Zizës, 19-vjeçarit me probleme mendore i cili vrau dhe përdhunoi një fëmijë.

Ai akuzohet për vrasje me paramendim, përdhunim dhë armëmbajtje pa leje kundrejt vogëlushit Bekim Cenga.

Sot ka nisur procesi gjyqësor dhe gjykata e Dibrës ka marrë në shqyrtim disa pjesë të dosjes së tij, të mbetura të pashqyrtuara më parë. Gjatë seancës gjyqësorë ishin të pranishëm të afërmit e fëmijës së vrarë,

Bekim Cengës, të cilët kërkuan të funksionojë drejtësia.

Ndërsa të afërmit e Zizës mesa duket për të shmangur konfliktin me të afërmit e fëmijës së vrarë kanë preferuar të qëndrojnë në distancë nga Gjykata e rrethit të Dibrës.

Seanca tjetër është caktuar në datën 29 prill, ndërsa Ziza ka dalë i shoqëruar nga Gjykatame dhjetra policë për ta ruajtur nga konflikti me familjarët e Bekim Cengës.