Burgoj pret Ikonomou: Bashkëpunim me policinë greke

Gjatë këtij takimi është diskutuar për forcimin e bashkëpunimit dypalësh policor në luftën kundër krimit të organizuar, kalimi në operacione të përbashkëta kundër trafiqeve të lëndëve narkotike, pastrimit të parave dhe trafiqeve të tjera të paligjshme.

Gjithashtu, dy krerët e lartë të policisë kanë diskutuar edhe për shkëmbimin e eksperiencave nëpërmjet trajnimeve të ndryshme mes policive të dy vendeve si dhe vazhdimi i mëtejshëm i organizimit të patrullimit të përbashkët midis Policive Kufitare të dy vendeve. Në përfundim të këtij takimi Drejtuesit e Policisë shqiptare dhe greke shprehën angazhimin e tyre të mëtejshëm lidhur me bashkëpunimin dypalësh.