Burrat e shperdorojne, pagesa do kaloje vetem te grate

Sonila Isaku
Burrat jane te papergjegjshem per te menaxhuar parate sidomos ne ato familje me te ardhura te pakta, dhe qe trajtohen me Ndihme Ekonomike. Kane qene pikerisht grate e tyre te cilat jane ankuar dhe kane kerkuar qe te kene ato te drejten per te marre kete pagese pasi bashkeshortet u dorezonin vetem gjysmen e parave te marra nga ndihma ekonomike pasi pjesa tjerat i shperdoronin tek lokali me i afert me vendin ku merrnin pagesat. Ministria e Punes duke pare keto ankesa ka propozuar qe pagesa e ndihmes ekonomike, pervecse te merret ne banke te merret vetem nga grate.
Kalimi
Brenda pak kohesh Ministria e Punes ka ndryshuar disa procedura te marrjes se pageses se Ndihmes Ekonomike. E ndersa pak muaj me pare e kaloi kete pagese me ane te bankave, per te qene me e sigurt, tashme ky institucion ka propozuar qe ta kene vetem grate e familjes te drejten per ta terhequr ate. "Mendojme te kthejme grate ne kryefamiljare per marrjen e Ndihmes Ekonomike. Kjo per vete faktin se ato jane me te pergjegjshme, pasi e dine se cfare i nevojitet shtepise se tyre, cilat jane ushqimet qe u mungojne, ku duhet te prishen keto para. Ndersa bashkeshortet e tyre, rezultoi se i prishnin te ardhurat qe merrnin nga Ndihma Ekonomike, duke mos i cuar nje pjese te madhe te tyre ne shtepi" kane pohuar specialistet e Ministrise se Punes. Sipas tyre, propozimi eshte bere dhe se shpejti pritet qe te miratohet nga kreu i ministrise i cili do ia propozoje qeverise. Nderkohe gjate ketyre koheve inspektoret kane nisur nje kontroll edhe ne banesat e personave te cilet perfitojne ndihme ekonomike, per te vertetuar nese i perkasin kesaj kategorie apo kane mundur te plotesojne dokumentacionin ne menyre te padrejte.
Ndryshimet
Kete vit skema e Ndihmes Ekonomike pesoi edhe ndryshimet me te medha ku u futen ne skeme edhe kategorite e reja. Ndryshimet e bera ne skeme, parashikojne zgjerimin e kategorive te perfituesve, kjo pasi ne praktike u verejt se kishte lindur nevoja e garantimit te perfshirjes se disa grupeve te paperfshira ne skeme. "Keto kategori do te perjashtohen nga llogaritja e te ardhurave, kur familjet ne nevoje kane si kryefamiljar njerin nga femijet, per arsye te vdekjes se prinderve, ose kur njeri prej prinderve eshte denuar, nderkohe qe prindi tjeter nuk jeton", pohoi zyra e shtypit e Ministrise se Punes.. Nga ana tjeter, ligji pershkruan se ne kete skeme pritet te perfshihen ato familje qe kane si kryefamiljar nje person me aftesi te kufizuara fizike e mendore, paraplegjik dhe tetralegjik ose invalid pune, familjet qe kane si kryefamiljare nenen, nderkohe qe prindi tjeter nuk jeton, si kryefamiljar nje individ qe eshte mbi moshe pune dhe qe nuk perfiton pension. Ky ligj percakton gruan si kryefamiljare ne rastet kur ka praktika divorci per te terhequr pagesen e Ndihmes Ekonomike. Nga keto ndryshime parashikohet qe te perfitojne mbeshtetje per here te pare edhe rreth 800 persona jetim, rreth 400 persona viktima te trafikut, 500 gra ne rastet e praktikave te divorcit.

Kategorite e reja te perfshira ne skeme
Si kryefamiljar njerin nga femijet per arsye te vdekjes se dy prinderve;
Si kryefamiljare njerin nga femijet, kur njeri prej prinderve eshte duke vuajtur denimin me burgim per vepra penale ose kundervajtje penale me vendim te formes se prere te gjykates, nderkohe qe prindi tjeter nuk jeton;
Si kryefamiljar njerin nga femijet, kur njerit prind i eshte hequr e drejta prinderore me vendim gjykate, nderkohe qe prindi tjeter nuk jeton;
Si kryefamiljar nje person me aftesi te kufizuara fizike e mendore, paraplegjik dhe tetraplegjik ose invalid pune dhe anetaret e tjere te familjes se tij jane femije ose persona mbi moshe pune, te cilet nuk perfitojne pension;
Si kryefamiljare nenen, nderkohe qe prindi tjeter nuk jeton, si dhe kur anetaret e familjes se tij jane femije ose persona mbi moshe pune, te cilet nuk perfitojne pension;
Si kryefamiljar nje pjesetar te familjes qe eshte mbi moshe pune dhe kur anetaret e familjes se tij jane femije dhe persona mbi moshe pune, pavaresisht nga te ardhurat nga pensioni apo toka;
Jane familje te ngujuara si pasoje e gjakmarrjes;
Jane familje nen nivelin e varferise, sipas listes se percaktuar ne aktet nenligjore perkatese.