"Star Akademi", kete vit nje reality show plot surpriza

Edicioni i peste i Akademise se Yjeve eshte gati te nise rrugen e emocioneve te forta. Etheve te konkurrences do t'u shtohen kete vit edhe te papriturat dhe perballjet e forta te bashkejeteses mes djemve dhe vajzave plot ambicie per artin.
Sepse "Star Akademi", kete vit ofron nje format te ri, duke u shnderruar ne nje reality show, ku cdo emocion, perballje, ndjesi, cdo detaj i bashkejeteses se konkurrenteve te rinj, te do te jete e monitoruar nga kamerat 24 ore.
Organizatoret, njoftojne se kane kaluar tashme kater faza audicionesh dhe nga qindra pretendente te paraqitur per edicionin e ri te "Star Akademi" jane perzgjedhur vetem 31. Por serish do te kete nje tjeter filter. Pasi ne shtepine e Akademise se Yjeve do te kene mundesine te futen vetem 16 me te miret. Dhe kjo do te ndodhe me 5 prill, ne naten e pare te spektaklit. Deri atehere 31 konkurrentet qe synojne te behen pjese e gares do te vijojne te trajnohen nen kujdesin e profesoreve te kenges dhe baletit. Formati i ri i Akademise se Yjeve, do te shpalose tashme deri ne detaje karakteret e gjithsecilit prej konkurrenteve, perpjekjet e tyre per te triumfuar ne kete gare, ambiciet, por edhe personalitetin e gjithseicilit.
Telespektatoret do te kene mundesine te shohin gjithcka qe ndodh ne nje shkolle arti, trajnimin, garen e forte mes tyre, por edhe bashkejetesen mes njeri-tjetrit.
E ndersa, transmetimi 24 ore ne 24 ze fill me 5 prilli, duke nisur nga sot, cdo mbremje ne ora 17:00-18:00, spektatoreve do tu jepet mundesia per te njohur te gjithe konkurrentet permes specialeve te pergatitura nga momentet e punes, debatet mes tyre, por edhe profilet e gjithsecilit.