Burrel, Zogu ne vend te Skenderbeut

Busti i heroit kombetar Gjergj Kastrioti Skenderbeu, i vendosur ne nje nga sheshet qendrore te qytetit te Burrelit, do te hiqet. Ne vend te tij do vendoset nje permendore e ish-mbretit Ahmet Zog.

Kryebashkiaku i Burrelit, Skender Lleshi thote se busti i Skenderbeut do te largohet sepse eshte me permasa te vogla. Sipas tij, Skenderbeu duhet te jete mbi kale sepse eshte i vogel dhe i mbuluar nga pemet.

“Bashkia ka gjetur donatore per ndertimin e shtatores se Ahmet Zogut, duke pare figuren dhe rendesine e tij ne histori. Bashkia ka dy mbledhje rresht qe diskuton per vendosjen e shtatores dhe heqjen e bustit te Skenderbeut, qe s’mund te qendroje. Ai ose duhet te jete ne kale, ose te hiqet. Shtatorja e Zogut do te vendoset, ndersa busti i Skenderbeut nuk ka vend aty”, deklaron Lleshi.

Ndersa banoret e Burrelit kane nje mendim tjeter. “Te hiqet busti eshte tradhti kombetare. Duhet menduar mire qe te heqesh nje bust te tille”, shprehet nje banor.