Buxheti 2012, sa rriten pagat dhe pensionet Luljeta Ndoka

Fondi per rritjen e pagave per vitin 2012 do te jete rreth 1.5 miliarde leke, i mjaftueshem per nje rritje jo me te larte se 2-4 per qind. Ndersa, rritja e pensioneve do te jete 3 per qind per qytetin dhe 5 per qind per fshatin. Ne krahasim me vitet e shkuara, rritja do te jete me e ulet, nisur edhe nga fakti se pagat indeksohen me inflacionin. Burime nga Ministria e Financave shpjegojne se fondi per rritjen e pagave do te shperndahet 3-4 per qind per pagat e uleta dhe 2 per qind per pagat e larta. Sipas projektit te miratuar tashme nga qeveria, fondi per rritjen e pagave per vitin 2012 do te jete rreth 1.5 miliarde leke, i mjaftueshem per nje rritje jo me te larte se 2-3 per qind. Ndersa, fondi shtese per rritjen e pensioneve nuk do te jete me shume se 1.6 miliarde leke. Keshtu, pavaresisht debateve per linjen qe do te mbahej ne lidhje me mbajtjen ne nivelet aktuale te borxhit publik dhe deficitit, pagat dhe pensionet do te rriten. Qeveria, edhe me buxhet nen presion, ka vendosur te rrise pensionet si te fshatit, ashtu edhe te qytetit e gjithashtu pagat e administrates, pavaresisht perqindjeve shume te uleta. Sipas programimeve ne buxhet, fondi ne dispozicion te politikave te reja te pagave dhe pensioneve eshte rreth 3 miliarde leke. Sipas Financave, rritja e pensioneve ne perqindje do te jete per pensionet e fshatit, 5 per qind dhe ato te qytetit, 3 per qind. Rreth 1/3 e buxhetit te shtetit, e perkthyer ne nje miliard e 500 milione dollare, shkon per financimin e pensioneve. Ne fakt, sa i perket buxhetit per arsimin, ministri i Arsimit, Myqerem Tafaj, gjate prezantimit te projektbuxhetit ne mbledhjen e djeshme te Komisionit te Edukimit dhe Medias, pranoi uljen e fondeve. Por, ai ka deklaruar se tkurrja e tyre nuk do te ndikoje ne paga dhe ne vendet e punes se arsimtareve. Rreth 38.9 miliarde leke eshte buxheti i akorduar per arsimin nga qeveria, per vitin e ardhshem. Me kete fond, vetem 1.6 per qind me te larte se ne 2011, MASH ka planifikuar rritje investimesh kryesisht, per arsimin profesional. Ministri Tafaj deklaroi se ne 2012-en do te kete rikonstruksione te shkollave kryesisht, ato ne gjendje emergjence, ndersa ndertimet e reja jane te pakta. Nderkaq, gjate komisionit te djeshem te Ceshtjeve Sociale, ministri Ksera tha se p/buxheti per Ministrine e Punes eshte me i madhi i planifikuar ndonjehere per kete institucion dhe ne total, arrin ne 53.49 miliarde leke ose 3.84 per qind te PBB-se dhe bashke me te ardhurat kontributive, buxheti i MPCSSHB-se shkon ne 7.6 per qind e PBB-se. Sipas tij, ne krahasim me buxhetin e rishikuar 2011, projekt-buxheti i vitit 2012 ka nje rritje prej 6.54 per qind dhe, ne vlere absolute, nje rritje prej 3.29 miliarde leke. Ky projektbuxhet mundeson realizimin e prioriteteve ne fushat qe Ministria mbulon per uljen e varferise dhe rritjen e punesimit. Gjate vitit 2012, parashikohet qe te perfitojne formim profesional ne qendrat publike 9 mije persona, nga te cilet 7 mije punekerkues te papune, do te formohen ne kurse profesioni. Nderkaq, nga programet e nxitjes se punesimit do te punesohen 2 500 persona. "Parashikohet mbeshtetja me ndihme ekonomike e rreth 104 mije familjeve, si dhe do te rriten te ardhurat e 546 mije pensionisteve ne masen 4 per qind", eshte shprehur Ksera. Burime nga Ministria e Financave kane pohuar se nje pjese e konsiderueshme e fondit te pagave dhe pensioneve per vitin qe vjen do te gjenerohet nga reforma qe do te aplikohet ne administraten publike, ne fillim te vitit qe vjen. Pas reformes ne paga, Ministria e Financave pritet te marre edhe nje reforme per rishikimin e skemes se pensioneve, e cila eshte rekomanduar me urgjence nga Banka e Boterore.