Pas paktit PD-PS, konsensusi merr forme me te plote Rozeta Rapushi

Merr forme me te plote konsensusi i arritur vetem pak dite me pare ne mbledhjen e Konferences se Kryetareve mes forcave te medha politike. Mazhoranca dhe opozita rane dje dakord ne Komisionin e Ligjeve, edhe mbi ndryshimet ne projektligjin per Kodin Rrugor, duke fshire keshtu, edhe dyshimet e lindura, dy dite me pare, per ngerce te mundshme ne shqyrtimin e nismave ligjore qe kerkojne 3/5-at e votave ne Kuvend, 84 te tilla. "Kush eshte dakord me ndryshimet ne projektligjin per Kodin Rrugor?", pyeti Rusmali dhe vota u dha nga te gjithe ligjvenesit e pranishem, te majte dhe te djathte. Keshtu, ngerci i krijuar dy dite me pare, po ne kete komision, u tejkalua, pasi socialistet dhe demokratet votuan ne unanimitet dhe ne frymen e marreveshjes se arritur te henen. I njejti konsensus pritet te reflektohet edhe ne seancen e sotme plenare. Ne rendin e dites jane perfshire nje sere projektligjesh qe kerkojne votat e 84 deputeteve. Keshtu, per votim sot do te jene ndryshimet ne Kodin Ajror, Detar, Hekurudhor edhe ate Rrugor, qe per t'u realizuar kerkojne plot 84 vota. Nderkohe qe po ne seancen e sotme plenare do te diskutohet dhe votohet, edhe ngritja e komisionit te posacem per Reformen Zgjedhore, si dhe njekohesisht, nisja nga puna e grupit per reformimin e Rregullores se Parlamentit. Socialistet do te perfaqesohen me Namik Doklen dhe Damian Gjiknurin, ndersa demokratet me Jemin Gjanen dhe Viktor Gumin. Me konkretisht, sot do te zyrtarizohen te gjitha projektvendimet, te cilat parimisht kaluan dite me pare ne mbledhjen e Konferences se Kryetareve. Ne kete konference u pranua kalimi per miratim ne Kuvend i projektligjeve te axhendes se Kuvendit qe kerkojne shumice te cilesuar, qe te kalojne per rishqyrtim dhe miratim ne Kuvend, ne grupe me kalendare 3-javore, ne perputhje me Rregulloren e Kuvendit. Konferenca ne unanimitet miratoi kalendarin e propozuar nga kryetarja Jozefina Topalli. Po keshtu, Konferenca e Kryetareve miratoi kerkesen e firmosur nga dy kryetaret e grupeve parlamentare, Astrit Patozi dhe Gramoz Ruci, per ngritjen e komisionit te posacem parlamentar per Reformen Zgjedhore dhe po me unanimitet miratoi ngritjen e grupit te punes per rishikimin e Rregullores se Kuvendit, duke marre si model rregulloren e Parlamentit Evropian. Sipas paktit, komisioni per reformen zgjedhore do te perbehet nga 10 anetare, me pjesemarrje te te gjitha forcave politike parlamentare dhe do te drejtohet nga dy bashkekryetare, perkatesisht nje i PD-se dhe nje i PS-se, por kete here, asnje nga forcat e medha politike nuk ka te drejten e vetos. Sipas projektvendimit, PD do te kete 2 anetare, ndersa nga 1 anetar do te kene LSI, PR dhe PDIU. Ndersa PS do te kete 4 anetare dhe 1 anetar nga PBDNJ. Pa debate e diskutime, forcat politike rane dakord qe brenda tre muajve te realizojne reformen zgjedhore, sipas amendamenteve te OSBE/ODIHR-it, si per zgjedhjet lokale te 8 majit, ashtu edhe per ato parlamentare te 28 qershorit 2009.