Buxheti shtese mberrin ne Kuvend
Qeveria shqiptare ka derguar ne Kuvend projektligjin mbi buxhetin suplementar prej 270 milione dollare, i cilesuar nga Kryeministri Sali Berisha si "nje sukses spektakolar i qeverise ne fushen e financave te vendit". Ne Buxhetin suplementar prej 270 milione dollaresh, nuk perfshihen te ardhurat e ARMO-s dhe privatizimeve te tjera, por vetem te ardhurat e krijuara si rezultat i disiplines financiare. Projektligji mbi kete buxhet suplementar paraqet te ardhurat dhe shpenzimet si per buxhetin qendror dhe ate lokal, ashtu dhe te ardhurat nga zerat e tjere. Qeveria ka miratuar pak dite me pare perdorimin e rreth 31 miliarde lekeve ose rreth 400 milione dollareve, ne formen e buxhetit shtese te hartuar nga Ministria e Financave. Rreth 20 miliarde leke jane fonde te gjeneruara rishtas ne buxhet nga tejkalimet ne tatime, dogana dhe nga fitimi i kompanive shteterore, ndersa pjesa tjeter jane fonde qe nuk kane mundur te perdoren sipas llogarive te buxhetit 2008 dhe rreth 10 miliarde leke te tjera jane rrjedhoje e privatizimit te ARMO-s. Me shume se nje e treta e ketyre fondeve te akumuluara do te perdoren per ndertimin dhe asfaltimin e disa akseve te rrugeve nacionale.