Kardiokirurgjia, rinisin operacionet ne zemer

Kane rifilluar gjate dites se djeshme operacionet ne zemer ne te tre sallat e mbyllura ne pavijonin e kardiokirurgjise, per shkak te infeksionit qe kishte prekur ato prej me shume se 10 ditesh. Pas dezinfektimit me klor te forte dhe sterilizimit te plote te tre ambientet jane hapur per mjeket dhe kardiokirurget, gje qe pritet te normalizoje situaten per sa u perket operacioneve te planifikuara. Qe prej afro 10 ditesh, tri sallat e operacionit ne pavijonin e kardiokirurgjise kishin nderprere punen, per shkak se rezultuan me ndotje te lare bakteriale. Me pas, analizat e Institutit te Shendetit Publik zbuluan shkaktarin qe njihej me emrin pseudomonas, i cili faktikisht ka prekur edhe nje pacient, i cili eshte ne gjendje te rende shendetesore. Pacientet, te cilet kishin parashikuar te operoheshin gjate atyre diteve, jane detyruar te presin ne spital. Por vete mjeket pohojne se numri i operacioneve te planifikuara ne stinen e veres reduktohet, per shkak te temperaturave te larta. Per sa u perket ambienteve te reanimacionit edhe ato iu jane nenshtruar dezinfektimit dhe analizave, pasi infeksioni, i cili u shfaq fillimisht ne sallat e operacionit, depertoi ne keto ambiente nga pacientet e prekur. Te dhenat e specialisteve epidemiologe treguan se te dy infeksionet qe shperthyen ne keto ambiente ishin te rrezikshme, duke shfaqur temperature te larte te pacienti, duke shkaktuar edhe probleme ne rruget e frymemarrjes, nderkohe edhe vdekje te pacientet e prekur rende. Nga ana tjeter, Shqiperia ende nuk ka te dhena apo studime sa u perket infeksioneve spitalor edhe rasteve te vdekjeve qe ndodhin nga to.