Bylisi shkaterron 3-1 Besen

Bylisi i dha nje leksion te pameshirshem Beses ne fitoren 3-1 te ballshioteve ne Adush Muca ne takimin hapes te javes se 9-te te Superliges.

Nje gol ekspres - pas vetem 20 sekondave loje - i realizuar nga sulmuesi nga Kameruni Guy Madjo e futi menjehere ne shinat e fitores skuadren ballshiote te drejtuar nga maqedonasi Nikola Ilievski.

Golashenuesi me i mire i Bylisit kapiteni Amarildo Dimo realizoi ne minuten e 24-te golin e dyte per skuadren e tij ne kete takim dhe te pestin sezonal qe e ngjiti ate ne te njejten kuote me dyshen sulmuese te Dinamos Elis Bakaj dhe Nestor Martinena.

Besa ne pjesen e pare ishte nen presionin e jashtezakonshem te vendasve qe gjeten rrjeten per here te trete me ane te Fjodor Xhafes ne minuten e 35-te. Goli i pare i vlonjatit.

Kavajasit shenuan golin e nderit me nje penallti te realizuar nga Sokol Cikalleshi ne minuten e 53-te por qe sherbeu me shume sa per ti rritur adrenalinen takimit.

Per Besen nenkampione dhe fituese e Kupes dhe Superkupes se Shqiperise gjate sezonit te kaluar kjo ishte humbja e 4-t ne tete jave.

Me kete fitore e dyta ne nente jave per Bylisin skuadra e financuar nga presidenti Besnik Kapllanaj u ngjit ne kuoten e 7 pikeve duke lene pas tri ekipe Besen po 7 pike Kastriotin 7 pike nje ndeshje me pak dhe Elbasanin 6 nje ndeshje me pak.

Ne javen e 10-te Bylisi do te luaje ne Durres kunder Teutes nderkohe qe Besa do te prese ne shtepi Kastriotin.

E diela ofron takimet Elbasani-Shkumbini dhe Tirana-Teuta. Java e 9-te mbyllet me takimin Kastrioti-Dinamo.

Burimi Albania-sport.com
Kliko per te na ndjekur ne Twitter

E Shtune 30 Tetor 2010