"CEZ", 6.5 mld leke investime ne Shqiperi gjate vitit 2012 Eglantina Nasi

Nje plan ambicioz investimesh per sektorin e energjise, eshte ai i parashikuar nga kompania "CEZ Shperndarje" per t'u realizuar gjate ketij viti ne vendin tone. Fjala eshte per nje fond total prej rreth 6.5 miliarde lekesh ose rreth 50 milione euro, qe kjo kompani ka parashikuar ne forme investimesh ne te gjithe territorin e Shqiperise. I shperndare ne zera te vecante, ai perfshin rikonstruksione te disa linjave te shperndarjes se energjise elektrike, ndertim te disa rrjeteve te reja, si edhe blerjen e disa pajisjeve te posacme ne kuader te persosjes se rrjeteve ekzistuese. Sikunder, behet me dije se ne kuadrin e ketij financimi, do te kete prioritet procesi i ndertimit dhe montimit te rrjetit TU ne zonat problematike te rajoneve jugperendim-juglindje-veri. Kjo ne nje kohe, kur ne proces realizimi prej cekeve te "CEZ"-it, jane mjaft investime aktuale, te cilat kane nje vlere prej 84 milione lekesh. Gjithcka, ne funksion te permiresimit te sherbimit te shperndarjes se energjise elektrike dhe vazhdimesi, e punes pozitive te bere deri tani nga kompania ne fjale per rritjen e efeciences se sektorit energjetik si i tille. Konkretisht, plani i investimeve te parashikuara prej eksperteve te "CEZ Shperndarje" per kete vit, perfshin ato per pajisjet 110 KV me nje vlere prej 1.2 miliarde leke; 6KV-35 KV me nje vlere prej 2 miliarde leke dhe pajisje TU, te cilat kapin nje vlere prej 3 miliarde lekesh. Pa harruar ketu, as investimet mbeshtetese, programuar me nje fond investimi prej 0.3 miliarde lekesh. Nga ana tjeter, behet me dije se investimet e parashikuara nga "CEZ" pergjate vitit 2012, shtrihen kryesisht ne qytetin e Tiranes, ku zeri kryesor, eshte ai i ndertimit te nje rrjeti TU me percjelles ABC ne zonat Sauk, Selite, Kombinat, Porcelan, Shkoze, Farke, Lunder, Paskuqan, Qender, Kodra Priftit etj. Ndersa per pjesen e nenstacioneve ne zonen e Tiranes, vlen per t'u permendur investimi i parashikuar per rikonstruksionin e atij 110/20 KV Tirana-Qender (faza e pare), por edhe nenstacionit tjeter Selite110/20 KV. Pa harruar edhe projektin e rikonstruksionit te linjes kabllore 35 KV, nenstacioni 220/110/35 Sharre-nenstacioni Selite 4. Kurse sa i perket shperndarjes se investimeve neper rrethe, kompania "CEZ Shperndarje" ben me dije se Durresi, Shkodra, Saranda dhe Vlora jane tri pikat kryesore ku ato do te perqendrohen. Perkatesisht, ne rrethin e pare parashikohet te realizohet brenda ketij viti rikonstruksioni i nenstacionit Golem 110/6 KV; ndertimi i rrjetit shperndares 20 KV Golem, si dhe i atij 20 KV ne drejtim te Gjirit te Lalezit, perqendruar edhe te zona turistike Hamallaj. Ndersa ne Shkoder, ekspertet e "CEZ"-it kane parashikuar qe te realizojne procesin e ndertim-montimit te rrjetit 20 KV nga nenstacioni Shkodra 2, si edhe ate te 2 fiderave 20 KV nga nenstacioni 110/20 ne Bushat. Per te mos harruar as Saranden, me nje investim te programuar gjithashtu per ndertim fideri, 20 KV ne drejtim te Ksamilit nga nenstacioni 110/20 KV. Projekt i ngjashem ky edhe ne Vlore, per nje ndertim fiderash 20 KV nga nenstacioni Vlora 2.

PLANI I INVESTIMEVE

1. Pajisje 110 KV 1.2 miliarde leke

2. Pajisje 6KV-35 KV 2 miliarde leke

3. Pajisje TU 3 miliarde leke

4. Investime mbeshtetese 0.3 miliarde leke

----------------------------

Total 6.5 miliarde leke