Reforma zgjedhore, PD: PS propozime jashte OSBE/ODIHR Rozeta Rapushi
Debatet ne Komisionin e Posacem per Reformen Zgjedhore kane nisur si pasoje e sjelljes se opozites ne komision per diskutim, te ceshtjeve qe nuk jane ne perputhje me rekomandimet e OSBE/ODIHR. Keshtu u shpreh dje, drejtori i kabinetit te kryeministrit, njeheresh ekspert ne reformen zgjedhore, Oerd Bylykbashi. Duke hedhur poshte pretendimet e kreut socialist, Edi Rama, per bllokim dhe ngerc ne punen e komisionit, Bylykbashi tha se reforma po ecen me ritem te mire. Duke pranuar faktin se do te ecte me nje rritem me te mire, nese opozita do te nisej nga arsyeja per te gjetur konsensus. "Sigurisht qe mund te kishte nje ritem me te madh, ne qofte se qasja e kolegeve socialiste do te kishte qene e ndryshme. Do te ishte e tille, nese do te nisej nga arsyeja dhe tentativa per te gjetur kompromis sa me te shpejte, qe te mos vinin me ceshtje, te cilat dihet qe ne fillim qe do te ishin nje objekt i nje debati, sepse nuk ishin ne perputhje me rekomandimet e OSBE/ODIHR dhe nuk mbeshteteshin nga to", - u shpreh dje Bylykbashi. Sipas tij, mazhoranca ne asnje rast nuk ka diskutuar apo shqyrtuar nje rekomandim te mbeshtetur nga OSBE/ODIHR. Nga ana tjeter, Bylykbashi u shpreh se ne gjykimin e tij, qofte ne aspektin teknik, qofte edhe te debatit politik, nuk konstatohet ndonje lloj ngerci. "Eshte surprizues qendrimi i diteve te fundit te zotit Rama, qe eshte leshuar me vrull te madh per te thene se dicka e rende po ndodh, nje ngerc i madh etj.", - reagoi eksperti. Nga ana tjeter, eksperti theksoi faktin se vete vendimi i Parlamentit per Komisionin e Posacem te Reformes Zgjedhore, e jep mundesine e shtyrjes se mandatit te punes se ketij komisioni, nese vleresohet si e nevojshme. Madje, ai shtoi se per kete ceshtje eshte rene dakord me pare edhe me kreun socialist, Rama. "Per me teper, me zotin Rama eshte rene dakord qe heret gjate ketij muaji qe do te kete nje shtyrje te punes se ketij komisioni", - tregoi Bylykbashi. Ai permendi gjithashtu faktin se ceshtja e sistemit zgjedhor nuk do jete pjese e punes se ketij komisioni, duke theksuar se ndryshimi i sistemit zgjedhor, nuk ben pjese ne paketen e rekomandimeve te OSBE/ODIHR. "Ceshtja e sistemit nuk eshte objekt i rekomandimeve te OSBE/ODIHR as ne vitin 2009, as ne vitin 2011. Edhe ne vleresimin e Komisionit te Venecias nuk ka asnje rekomandim qe kritikon sistemin per mangesi qe do te conin ne nevojen e nje korrektimi", - u shpreh Bylykbashi.