Cana i kënaqur për përballjen me Arsenalin

Mesfushori kuqezi Lorik Cana është i kënaqur që do të jetë në gjendje të përballet me Arsenalin në ndeshjen e fundjavës.
Cana mungoi në ndeshjen e kaluar kundër Tottenhamit kur Sunderlandi u mposht me rezultat 2-0, për shkak të pezullimit si pasojë e kartonëve të verdhë, por do të rikthehet në takimin e radhës.
"Ishte shumë vështirë për mua të shoh bashkëlojtarët nga anash. Nuk mund të bëja asgjë. Veçanërisht për veten, është shumë shqetësuese. Por nuk kisha zgjidhje dhe ishte e rëndësishme për mua të jem atje, me ta, dhe t'i përkrahë edhe pse nuk munda të luaj", ka thënë Cana.