Celulari ne burg, pranga policit

SARANDE - Nje efektiv i policise se Sarandes eshte arrestuar dje nen akuzen e "shkeljes se rregullave te sherbimit. Fatmir Mecani, 42 vjec, dyshohet se ka futur nje telefon celular ne dhomat e paraburgimit te Komisariatit te Policise se Sarandes, duke ia dorezuar njerit prej te paraburgosurve. Burime nga policia vendore bene te ditur se prangosja erdhi pas nje hetimi te Sherbimit te Kontrollit te Brendshem, por nuk behen te ditura detaje te tjera per arsye te sekretit hetimor. Futja e celulareve ne burgje eshte kthyer ne nje dukuri shqetesuese te koheve te fundit, duke bere qe te nisin edhe hetimet per rastet e konstatuara.