Certifikohet rezultati i zgjedhjeve të pjesshme në pesë bashki

Komisioni Rregullator, në seancën publike të së premtes, certifikoi rezultatet përfundimtare të zgjedhjeve të pjesshme për kryetar bashkie, të zhvilluara më 9 nëntor 2025.

Pas përfundimit të afateve ankimore, u shpallën fituesit në pesë bashki: Vlorë, Berat, Cërrik, Mat dhe Tepelenë.

Në datën 17 nëntor, Komisioneri Shtetëror i Zgjedhjeve dorëzoi mandatet e kryetarëve të rinj të pesë bashkive ku u zhvilluan zgjedhjet e pjesshme vendore.

Mandatet iu dhanë Brunilda Mersinit në Bashkinë Vlorë, Ervin Cecës në Bashkinë Berat, Florenc Dokës në Bashkinë Cërrik, Altin Bojnit në Bashkinë Mat dhe Gramos Sakos në Bashkinë Tepelenë, të gjithë të propozuar nga subjekti zgjedhor Partia Socialiste e Shqipërisë.

Rezultatet sipas qarqeve

Qarku Vlorë – Bashkia Vlorë

Brunilda Mersini (PS) – 15,672 vota ✅ Fitues

Dionis Sota (kandidat i propozuar nga zgjedhësit) – 2,333 vota

Gjergji Nika (kandidat i propozuar nga zgjedhësit) – 1,975 vota

Qarku Berat – Bashkia Berat

Ervin Ceca (PS) – 13,050 vota ✅ Fitues

Pavlo Shkarpa (kandidat i propozuar nga zgjedhësit) – 2,607 vota

Qarku Elbasan – Bashkia Cërrik

Florenc Doka (PS) – 6,201 vota ✅ Fitues

Amarildo Hoxha (kandidat i propozuar nga zgjedhësit) – 1,888 vota

Eligert Hima (Lëvizja Shqipëria Bëhet) – 1,275 vota

Qarku Dibër – Bashkia Mat

Altin Bojni (PS) – 7,425 vota ✅ Fitues

Eduart Brahilika (kandidat i propozuar nga zgjedhësit) – 3,184 vota

Suzana Pasha (kandidat i propozuar nga zgjedhësit) – 549 vota

Qarku Gjirokastër – Bashkia Tepelenë

Gramos Sako (PS) – 3,261 vota ✅ Fitues

Gabriel Guma (kandidat i propozuar nga zgjedhësit) – 928 vota

/rtsh.al/