Champions, Barca apo Mancester?

NION- Perplasje gjigantesh ne garen per te kaluar ne kater me te mirat e Evropes ne Ligen e Kampioneve ne futboll. Shorti i hedhur dje ne Nion te Zvicres, ne goglat e terhequra nga Emil Butragenjo, ka rezervuar surpriza "te kendshme". Mancester United do te ndeshet me Bayer Munich, duke rikthyer ne vemendje finalen e vitit 1999 dhe nese kalon bavarezet, ekipi i Ferguson do te prese nje nga fitueset e perplasjes franceze Lion-Bordo. Nje perplasje e forte edhe per kampionen ne fuqi te kompeticionit, Barcelonen, e cila per te ruajtur ritmin e vitit te kaluar dhe per te fituar trofeun ne shtepine e armiqve te vjeter, Madridit, i duhet te kaloje pengesen e quajtur Arsenal, ku ish lojtari i Katalunjes, Cesc Fabregas do te jete kunder ish-skuadres. Por edhe nese kalon topcinjte, Barcelones se Pep Guardioles i duhet te ndeshet me fituesin e ciftit Inter-CSKA e Moskes, nje short i lehte ky per italianet e Hoze Murinjos qe kaloi pengesen Chelsea. Specialistet flasim me shume per nje finale te mundshme te perseritur, Barcelona-Mancester United, por duke pare surprizat e turit qe kaloi, gjithcka mund te ndodhe. Ndeshjet e para luhen me 30 dhe 31 mars, kurse te kthimit me 6 dhe 7 prill.
Bajern-Mancester
Rikthehet perplasja e gjiganteve te finales se vitit 1999 te Liges se Kampioneve. Ate kohe anglezet permbysen per tre minuta avantazhin e gjermaneve ne favor te tyre, duke fituar edhe trofeun ne nje ndeshje te cmendur. Por kete here bavarezet jane me talente ne stol dhe me nje teknik shume here me te mire, holandezin Luis Van Gal. Te dyja skuadrat jane ne forme, ndersa Mancester shihet si superfavorit. Fituesja do te ndeshet me ate qe del nga perplasja Lion-Bordo dy javet e fundit te muajit prill dhe me tej i pret finalja e 22 majit ne Bernabeu. Van Gal dhe Rumenige jane shprehur se anglezet jane favorite dhe po kalojne nje forme te mire, por ndoshta kjo eshte strategji per te terhequr vemendjen e kundershtarit.
Arsenal-Barcelona
Cifti qe i trembeshin te gjithe, por tashme skuadrat kane nisur llogarite per te zgjidhur "ekuacionin", pasi nuk ka shume kohe. Arsen Venger e ka quajtur spektakolare dhe deklaroi se do te jete ndeshje e bukur, me emocione dhe nje finalee vertete. Mbrojtesi Gerard Pique i Barcelones, duke u shprehur se eshte surprize, ka shtuar se skuadra e tij e njeh Arsenalin. Spanjollet qe do mundohen te ruajne nderin e vendit me nje superforme te yllit Lionel Messi, nuk kane humbur asnje perballje ndaj topcinjve. Por kete vit anglezet kane qene te papermbajtshem. Stafet jane shprehur se kjo perplasje duhej shmangur, por ja qe nuk kane pasur fatin e Interit.
Inter-CSKA
Moskovitet do te perpiqen te shkaktojne nje tjeter "termet" dhe kete here ndaj skuadres se Hoze Murinjos. Presidenti i skuadres italiane, Morati, eshte shprehur se nuk ka ndeshje te lehta, kurse ruset ecin me shpresen se do te kalojne nje tjeter "Sevilja" me pak fat. Italianet hasin veshtiresi ne perballjet me lindoret, por s Rubin Kazan ashtu dhe Dinamo Kiev i kaluan me sukses ne grup. Ndoshta pas fitores me Chelsea djemte e Murinjos kane nje tjeter mentalitet. Cifti fitues do ndeshet me Barcelonen ose Arsenalin per te mberritur ne finalen e madhe.
Lion-Bordo
Ose e cilesuar ndryshe "beteja e shampanjave franceze". Askush nuk e priste, por ja qe shorti i lire i vuri perballe dhe e sigurt eshte qe ne katershen e me te mirave do te jete nje skuader franceze. Duke llogaritur pengesat qe kaluan, me i favorizuar eshte Lioni, edhe pse ne kampionat ndodhet pas Bordose. Ata kaluan Realin e Madridit per te disaten here dhe sipas specialisteve do te dine ta bejne kete edhe me rivalet e Zhirondineve (Dallendysheve). Stafet e dy skuadrave jane shprehur te kenaqura duke pare se nuk u kane rene perballe skuadra te medha, por me dhimbje qe nje prej francezeve do te lere kompeticionin.

Ndeshjet:
Arsenal-Barcelona
Bayer-Mancester U.
CSKA Moske-Inter
Olimpik Lion-Bordo