City ndan 60 mln paund për Torres

Mediat britanike edhe njëherë kanë shkruar se Manchester City do të bëjë çmos për të angazhuar sulmuesin e Liverpoolit, Fernando Torres,

"Daily Star" thotë se në fund të sezonit City do të dërgojë një ofertë në vlerën e 60 milionë paund për sulmuesin spanjoll, pasi 'qytetarët kanë kuptuar se ai është i gatshëm të largohet nga Anfield.

Sipas kësaj gazete pronari i klubit, Sheikh Mansour, është i gatshëm të harxhojë plot 150 milionë paund për përforcimet e verës dhe Torres është në maje të listës së përforcimeve.

Po ashtu City planifikon të angazhojë edhe yje të tjera të futbollit, mes të cilëve Cesc Fabregas nga Arsenal dhe Zlatan Ibrahimoviç nga Barcelona.