DEMOGRAFI – Franca u dërgon letër të gjithë 29-vjeçarëve

PARIS, 16 shkurt /ATSH/ – Të gjithë qytetarët francezë që mbushin 29 vjeç deri në fund të verës do të marrin një letër. Nuk është një kujtesë nga një agjenci marketingu apo fushatë reklamuese e një marke, por një komunikim zyrtar nga qeveria, shkruan gazeta italiane “la Repubblica”.

Qëllimi i kësaj letre qeveritare është të ofrojë informacion mbi pjellorinë dhe shëndetin riprodhues të burrave dhe grave.

Kjo është një nga masat më simbolike të planit kombëtar të paraqitur nga qeveria e Sébastien Lecornu për të kundërshtuar rënien e lindjeve dhe për t’iu përgjigjur një fenomeni demografik që, në vitin 2025, pa më shumë vdekje sesa lindje në Francë për herë të parë që nga periudha e pasluftës.

Por pse të synohen 29-vjeçarët?

Vendimi për të synuar një grupmoshë kaq specifike pasqyron kërkesat e përcaktuara nga ligji francez, i cili u lejon grave të hyjnë në ngrirjen e vezëve pa recetë mjekësore vetëm para se të mbushin 30 vjeç.   /os/