Dallku dhe Curri, drejt Hertes se Berlinit

Dy mbrojtesit e Kombetares shqiptare, kosovaret Debatik Curri (24 vjec) dhe Armend Dallku (23 vjec), te cilet formuan edhe dyshen qendrore te repartit difensiv ne ndeshjen miqesore Shqiperi-Poloni (0-1), u ndoqen ne Reutlingen te Gjermanise nga menaxhere te Hertes se Berlinit. Lajmin e jep faqja e njohur gjermane bild.de. Menaxheri i Hertes se Berlinit, Dieter Henes, eshte ne kerkim te lojtareve te rinj ne mesfushen ofensive, ate qendrore, por dhe ne thellesi te mbrojtjes. Pikerisht rolin e fundit te permendur, kryejne edhe dy futbollistet kosovare qe luajne ne Ukraine me Vorskla Poltava. Nuk eshte hera e pare qe dy lojtaret kane kontakte me skuadra te nivelit te larte evropian. Me pare, Dallku, ka qene shume prane kalimit te Sanderlendi, ne kampionatin anglez, por Vorskla e bllokoi transferimin e tij. Dy lojtaret ne fjale kane qene dhe te preferuarit e ish-trajnerit te Kombetares kuqezi, kroatit Oto Baric, qe vleresonte tek ata shpirtin e larte te gares dhe vullnetin ne stervitje.