Dampsey: Ende herët për sulm kundër Iranit

SHBA-ja konsideron se sulmi ushtarak mbi Iranin në këtë moment do të ishte i hershëm, pasi që nuk është e qartë nëse Teherani do t'i përdorë kapacitetet bërthamore për krijim të armës bërthamore, deklaroi në intervistë për CNN, shef i Shtatmadhorisë së Forcave të armatosura të SHBA-së, gjenerali Martin Dampsey.

Izraeli haptazi po diskuton mundësinë e sulmit kundër Iranit, me qëllim që ta parandalojnë Teheranin të prodhojë armë bërthamore, deklaroi gjenerali Dampsey, megjithatë duke shprehur besim se qeveria iraniane është "lojtar i mençur" në skenën ndërkombëtare.

Për këtë, për SHBA-në dhe aleatët më së miri është që të vazhdojnë t'i shfrytëzojnë sanksionet ndërkombëtare dhe diplomacinë me qëllim që ta bindin Iranin që të dorëzohet nga ambiciet bërthamore, theksoi gjenerali amerikan.