De Jong në shitje
Nigel de Jong do të largohet nga Manchester City në fund të këtij sezoni, ka njoftuar tabloidi britanik The Sun.
Mesfushori defensiv ka refuzuar vazhdimin e kontratës së re, pasi ajo e tanishmja i skadon në fund të sezonit të ardhshëm. Klubi i ka ofruar atij pagë prej 100 mijë funtesh në javë, por ai beson se vlen më tepër.
Mosmarrëveshjet mes tyre pritet të përcillen me largimin e tij nga klubi në fund të këtij edicioni. De Jong u transferua në City nga Hamburg për 17 milionë funte në janar të vitit 2009.