De Rossi nuk do t'i shitet Realit

Drejtori sportiv i Romës, Daniele Prade, ka thënë se Daniele De Rossi nuk do t'i shitet Real Madridit, përkundër spekulimeve se Los Blancos janë të gatshëm të ofrojnë 40 milionë euro për shërbimet e mesfushorit italian. "Real Madrid? Ajo që mund të them është se Daniele De Rossi nuk do të largohet nga Roma nën udhëheqjen e presidencës aktuale", ka thënë Prade për "Sky Sport Italia".
Drejtori sportiv ka folur edhe për moslargimin e Jeremy Menez dhe Julio Baptista, që ishin të kërkuar nga PSG dhe Interi, respektivisht, duke thënë se Roma ka vepruar mirë me mbajtjen e tyre.