Debat ne seancen e PE Mallstrom e Fajon Te hiqet regjimi i vizave

UPDATE- Ne seancen e sotme plenare te Parlamentit Evropian u diskutua per heqjen e regjimit te vizave per Shqiperine dhe Bosnjen. Ne fjalen e saj eurodeputetja Tanja Fajon tha se te dyja vendet kane permbushur te gjitha kriteret dhe ne rast se do te liberalizohen vizat do te jete nje mesazh politik pozitiv.

Ndersa Komisionerja per eshtjet e Brendshme te BE Sesilia Mallmstrom u shpreh se procesi ka qene nje perpjekje e perbashket e Ballkanit Perendimor dhe BE-se. Ajo tha se mbeshtet heqjen e regjimit te vizave jo vetem si nje mesazh politik por edhe si nje mundesi qe u jepet vendeve te Ballkanit per te njohur Bashkimin Evropian.

Mellmstrom shtoi se te gjitha kushtet jane permbushur me perjashtim te disa gjerave te vogla. Qeverite e ketyre vendeve duhet tu tregojne qyetareve te tyre se cfare do te thote liberalizim i vizave.

Ne diskutimin e tij eurodeputeti holandez Van der Stoe tha se neser do te votoje kunder heqjes se regjimit te vizave per Shqiperine. Shqiperia eshte pjese e Konferences Islamike si dhe eshte nje nder vendet me te korruptuara ne Evrope atehere pse duhet tI liberalizojme vizat nje vendi teresisht te korruptuar.

Ne diskutim deklaroi voten kunder edhe eurodeputeti italian Mario Borghezio

Eurodeputeti belg Claeys u shpreh gjithashtu kunder heqjes se vizave. Ai tha se Shqiperia ka lidhje me krimin e organizuar nuk mund te fusim krimin ne Evrope tha ai.

Nderkaq europdeputeti tjeter Viktor Bostinaru vuri theksin tek kriza politike ne Shqiperi e cila ende nuk eshte zgjidhur.

Ne prag te votimit nga Parlamenti Evropian te propozimit te Komisionit Evropian per heqjen e regjimit te vizave per Shqiperine dhe Bosnje Hercegovinen eurodeputetja britanike Sarah Ludford shprehet optimiste.

Ne nje interviste dhene BBC-se ne shqip eurodeputetja britanike Sarah Ludford thote se bllokimi i levizjes se lire te qytetareve nga ndonje vend anetar i Bashkimit Evropian do te ishte nje hap prapa.

Megjithate ajo tha se votimi ne Parlament nuk do te thote se heqja e vizave eshte pune e kryer. Fjala e fundit ne kete proces i takon Keshillit te Ministrave te BE-se ku perfaqesohen 27 vendet anetare te organizates.

Nderkohe Parlamenti Evropian ka nisur seancen plenare e cila do te zgjase dy dite. Mes nje axhende te ngjeshur temash per diskutim paraditen e se enjtes pritet edhe votimi i raportit te eurodeputetes Tanja Fajon per heqjen e regjimit te vizave per Shqiperine dhe Bosnjen.

Nderkaq Kryeministri Sali Berisha ka njoftuar sot ne mbledhjen e qeverise se PE-ja ne mbledhjen e neserme voton per heqjen e vizave me Shqiperine dhe Bosnjen duke e cilesuar kete si arritjen me te madhe dhe realizimin e endrres se nje kombi te izoluar. Nderkohe qe sipas tij ne nentor shpresohet te zyrtarizohet edhe vendimi.

Vota e neserme eshte nje pergjegjesi e madhe per ne ne menyre qe gjithe agjensite tona te mbeten te angazhuara qe udherrefyesi te jene nje program i vazhdueshem pune- tha Berisha.
Ai sqaroi edhe njehere se qeveria franceze nuk kundershton procesin per heqjen e vizave por kerkon garanci qe qeveria shqiptare dhe autoritetet udherrefyesin e kane program te vazhdueshem pune.

Ne jemi gati te marrim cdo vendim cdo investim apo praktike te domosdoshme- tha ai duke ngarkuar ministrat te vazhdoje me me intensitet fushaten per sensibilizimin e qytetareve per detyrimet qe rrjedhin nga ky proces.

Franca kerkon garanci per vizat
Kryeministri Sali Berisha duke folur ne mbledhjen e Grupit Parlamentar te PD-se tha se titujt e mediave te vendit se Franca do te bllokoje procesin e liberalizimit jane trillime dhe se Franca eshte promotor i levizjes se lire dhe proceseve integruese.

Nderkaq rrjeti mediatik EurActiv duke iu referuar francezes Le Monde shkruan sot se Franca po mban pezull vizat per Shqiperine dhe Bosnjen.

Pak dite me pare e perditshmja Le Monde shkruante se Franca ka kritikuar Bashkimin e Evropian per ndjekjen e bisedimeve per liberalizimin e vizave per vendet e Ballkanit Perendimor duke lene pas dore rreziqet qe lidhen me hapjen e kufijve te BE-se.

Le Monde citon Sekretarin francez te shtetit per eshtje Evropiane Pierre Lellouche i cili duke folur ne parlamentin francez me 29 shtator e quajti politiken e vizave nje ceshtje te sigurise.

Lellouche ne fjalen e tij shtoi se do te kerkohet nje garanci nga Shqiperia dhe Bosnja para se ajo te hap driten jeshile per heqjen e vizave per keto vende.