Deget profesionale, hapen dhe 5 shkolla te reja
Interesi i te rinjve per te ndjekur shkollat profesionale ne vend, nga viti ne vit eshte rritur dhe per kete arsye kete vit do te hapen dhe 5 shkolla te tjera te tilla. Keshtu, pervec Tiranes, edhe ne rrethe te tjera te vendit, kryesisht ne qytet e medha si Durres, Shkoder, Elbasan, Vlore etj., te hapen shkolla profesionale ku te rinjte te kene mundesine e studimit. Keshtu, drejtoresha e Arsimit Profesional ne Ministrine e Arsimit, Dorina Rapti, thote se interesi i madh beri, qe nje vit me pare u detyruan, ne keto shkolla, te perfshinim dhe sistemin me kohe te pjesshme, qe te interesuarit te mund edhe te punonin. Rreth 500 te rinj u regjistruan vitin e shkuar, per te ndjekur shkollat profesionale me kohe te pjesshme. "Kete vit, reforma kryesore ishte dhe hapja e programit part-time. Shume te rinj apo te rritur nuk kane mundesi per arsye subjektive, te vazhdojne direkt pas arsimit baze, shkollen. Vitin e kaluar, rreth 500 te rinj u ofruan e moren shkollimin, e u regjistruar dhe ne shkollen me kohe te pjesshme", - tha Dorina Rapti, Drejtore e Arsimit Profesional, MASH. Ajo sqaron, se per nxitjen e te rinjve per te zgjedhur shkollat profesionale eshte menduar, qe jo vetem ata te njihen me to nepermjet kurikules se shkolles 9-vjecare, por nje pjese prej tyre, u jepen dhe bursa per te studiuar. "Ne fakt, ne kurikulen e arsimit 9-vjecar, por sidomos ne klasat e nenta, eshte futur lenda e re, moduli i ri i edukimit per karriere, i cili i krijon mundesi nxenesve dhe klasave te nenta per te njohur profesionet, per te njohur mundesite qe ofrohen per kualifikim, per te lidhur shkollen e mesme profesionale me shkollen 9-vjecare. Eshte nje modul qe eshte pritur mire nga nxenesit. Gjithashtu, per te mbeshtetur nxenesit qe ndjekin shkollat profesionale, Ministria e Arsimit i ka mbeshtetur me bursa", - thote Rapti. Kushtet per te fituar burse, sipas Raptit, jane jo vetem per nxenesit qe vijne nga radhet e familjeve te varfra, por dhe per ata qe zgjedhin dege, te cilat nuk preferohen, dhe se ne tregun e punes jane te nevojshme.