Deklarata zyrtare e europarlamentarëve: Kush bën bojkot, nuk e do Shqipërinë në BE

“Të gjitha përpjekjet për të bojkotuar punën e Parlamentit në të ardhmen, do të pengonin dhe vështirësonin ambiciet e Shqipërisë drejt Bashkimit Europian”. Kështu theksojnë në një deklaratë të përbashkët deputetët e Parlamentit Europian, Eduard Kukan, Jelko Kacin, Simon Busutil, Tanja Fajon dhe Marije Konerlisen. Eurodeputetët u bëjnë thirrje të gjithë liderëve politikë, të vazhdojnë përpjekjet që zgjidhja të gjendet brenda institucioneve demokratike. “Të gjitha institucionet demokratike duhet të jenë funksionale në mënyrë që të përballojnë sfidat e integrimit europian” - thuhet në deklaratë, në të cilën më tej citohet se debate politik duhet bëhet në këto insitucione, vendimet e të cilave duhet të respektohen nga të gjithë. Po kështu, anëtarët e Parlamentit Europian mirëpritën progresin e bërë nga Shqipëria në kuadër të përmbushjes së kritereve për liberalizimin e vizave. Ata theksojnë se Parlamenti Europian, është i kënaqur me nivelin e përgatitjes teknike për këtë proces. “Jemi gati të mbështesim heqjen e rregjimit të vizave për Shqipërinë,- shprehen deputetët, mes tyre edhe koordinatori i grupit më të madh politik në komitetin përgjegjës për çështjen e vizave, Simon Busutil dhe raportuesja për çështjen e vizave Tanja Fajon. Pas takimit me Kryetaren e Parlamentit, Jozefina Topalli, europarlamentarët thanë se, ata mirëpresin gatishmërinë e palës shqiptare, për të hapur një erë të re të dialogu ndërparlamentar dhe do të bashkëpunojmë me të gjitha partitë që përfaqësohen në Asamblenë Kombëtare Shqiptare.