Deko transferohet te Celsi per 10 mln euro

Celsi ka prezantuar ne "Stamford Bridge" mesfushorin portugez, Deko, qe per momentin eshte edhe blerja kryesore e teknikut brazilian, Luiz Felipe Skolari, qe kur mberriti ne Londer. 30-vjecari i lindur ne Brazil, eshte transferuar nga Barcelona per shumen e 10 milione euro, pasi ka preferuar te ndjeke Skolarin, me te cilin ka punuar kur tekniku drejtonte Kombetaren portugeze. "Barcelona nuk fitoi asgje per dy vjet. Katalanasit jane nje klub i komplikuar dhe i gjithe faji per deshtimin i mbetet gjithnje lojtareve kryesore te skuadres. Por kjo eshte e kaluar tani dhe nuk ka me rendesi. Kalova nje kohe te mire dhe beme histori, por tani dua te vazhdoj te fitoj tituj me Celsin ku jam vertete i lumtur qe erdha. Barcelona i perket te kaluares", u shpreh Deko. Celsi synon triumfin ne Ligen e Kampioneve, aty ku nuk ka njohur kurre sukses dhe fakti qe Deko ka fituar trofeun me te rendesishem evropian me Porto dhe Barcelonen, mund te ndihmoje me eksperiencen e tij. Mesfushori ka nisur karrieren me klubin brazilian te Korinthiansit, perpara se te kaloje ne Portugali ne vitin 1999.