Dekretet, PD e Topi s'terhiqen

Asnje kompromis ne dukje per pese emrat e anetareve per Gjykate te Larte, te sjelle prej me shume se nje muaji ne Kuvend. Mazhoranca e djathte eshte e vendosur qe te nise ne seancen e se enjtes, raportin e saj qe permban procedurat e dorezimit te emrave ne Kuvend e jo votimin nje me nje te kandidaturave. Cka le te kuptohet se nuk behet fjale per negociata apo konsensus me opoziten, apo dhe me vete Presidentin Bamir Topi per kete ceshtje. Gjetjen e nje rruge te mesme nuk e favorizojne aspak dhe levizjet e krereve te shtetit jashte dhe brenda vendit. Keshtu te pakten deri diten e hene mes paleve nuk pritet asnje levizje, apo percapje per te diskutuar se si do te veprohet ne seancen e se enjtes. Do te votohet raporti, apo emrat e sjelle nga kreu i shtetit. Kjo, pasi Presidenti Bamir Topi per tri dite ndodhet ne kryeqytetin e Greqise, Athine, ku merr pjese ne Samitin e Krereve te Shteteve te Evropes Juglindore. Nderkohe qe Kryeministri Sali Berisha apo Kryetarja e Kuvendit, Jozefina Topalli, jane ne levizje ne rrethe te ndryshme te vendit. Mundesia e mbetur duket se eshte fillimi i javes se ardhshme. Ndonese deri me sot, Komisioni parlamentar i Ligjeve nuk eshte terhequr nga varianti per te votuar ne Kuvend raportin, jo kandidaturat. I tere sherri, qe po vijon prej javesh, behet vetem mbi menyren se si Presidenti Bamir Topi i ka dorezuar ne Kuvend pese dekretet e tij per emrat qe duhet te plotesojne vendet vakante ne Gjykaten e Larte. Altina Xhoxhaj, Medi Bici, Artan Zeneli, Kristaq Traja dhe Zamir Poda jane kandidatet qe kane marre miratimin nga kreu i shtetit, Topi, per te qene anetare te Gjykates se Larte. Por, prej me shume se nje muaj, ata kane ngecur ne Kuvend. Vetem ne mesin e javes se ardhshme pritet qe te merret nje vendim mbi ta. Ne kalendarin e punimeve te Kuvendit eshte percaktuar tashme qe konkluzionet e komisionit te votohen ne seancen plenare te paradites se enjtes se ardhshme. Komisioni i Ligjeve nuk ka shqyrtuar ne thelb kandidaturat e kreut te shtetit, pra emrat nje me nje. Por eshte marre me diskutimet mbi proceduren e sjelljes se tyre ne Kuvend. Sipas deputeteve te djathte, kreu i shtetit duhet te ishte konsultuar me pare me forcat politike per ta, e me pas t'i sillte ne Kuvend per votim. I tere meraku i PD-se duket se jane vetem dy prej emrave, qe ky grup parlamentar nuk favorizon. Behet fjale per Kristaq Trajen dhe Zamir Poden. Dy emra qe jane lakuar se nuk do te kene mbeshtetjen e grupit demokrat gjate votimit ne seance plenare. Nga ana tjeter, opozita ka deklaruar se nuk do te marre pjese ne seanca, nese ne rend te dites nuk do te jene kandidaturat e Presidentit per anetare te Gjykates se Larte. Rozeta Rapushi

5 Emra Jane dekretuar nga Presidenti i Republikes, Bamir Topi, per anetare te Gjykates se Larte, Altina Xhoxhaj, Zamir Poda, Kristaq Traja, Artan Zeneli dhe Medi Bici.