Del Piero: “Reali do të na frymëzojë”

Në vigjilje të sfidës kundër Realit të Madridit, Alesandro Del Piero karikon skuadrën e tij: “Atë që ne dëshironim të merrnim të shtunën (kundër Napolit) nuk arritëm ta marrim, - thotë kapiteni i Juves.

“Kemi punuar shumë gjatë kësaj jave, kemi pasur probleme për të superuar. Duhet vetëm të punojmë. Por të mërkurën do të jetë një ndeshje e ndryshme, që s’ka lidhje me momentin që po kalojmë”.

“Juve-Real është unike. Shpresojmë të bëjmë një rezultat të mirë, por dhe një paraqitje të bukur. Kemi shumë dëshirë të reagojmë. Jemi duke bërë të pamundurën për të dalë nga një moment i vështirë. Ndoshta, Reali do të na frymëzojë. Ranieri? Jemi të gjithë në një barkë”.

E Hene, 20 Tetor 2008