Del Piero nuk dorëzohet

Kapiteni i Juventusit, Alessandro del Piero ka siguruar tifozët se ekipi do të luftojë deri në fund për të siguruar kualifikimin për në edicionin e ardhshëm të Ligës së Kampionëve.

Bianconerët gjenden në pozitën e gjashtë në Serie A pas dy humbjeve të njëpasnjëshme nga Sampdoria dhe Napoli.

“Ne nuk jemi dorëzuar. Unë nuk jam dorëzuar. Kemi pësuar humbje të rënda, por nuk ka marrë fund dhe nëse shikojmë tabelën, ne jemi ende në garë për pozitën e katërt”, shkroi Del Piero në ueb faqen e tij zyrtare.