Demokraci pa demokratë

-Vendimi i Komisionit Zgjedhor ishte i motivuar politikisht

Nga Adelheid Wölfl

DER STANDARD

Beteja e re për pushtet mes demokratëve dhe socialistëve nuk i ka nxjerrë më shqiptarët në rrugë. Ata e njohin mjaftueshëm mirë këtë teatër dhe e dinë që nuk ka lidhje me të. Pasi shefi i opozitës, Edi Rama, ishte përpara me 10 vota në zgjedhjet për kryebashkiak, Komisioni i Zgjedhjeve vendosi që të numëronte votat e hedhura në kutitë e gabuara. Dhe shihni çndodh: kandidati i qeverisë Lulzim Basha del përpara.

Vendimi i Komisionit Zgjedhor ishte i motivuar politikisht. Nëse Basha do të ishte fitues, me shumë gjasa nuk do kishte lëvizur askush gishtin. Një referencë ligjore e paqartë u përdor për të ndryshuar rezultatin. Zgjedhjet lokale në Shqipëri treguan mbi të gjitha se institucionet e përbashkëta kontrollohen nga partitë. Demokratët nën kryeministrin Sali Berisha dhe socialistët nën kryebashkiakun Rama, kujdesen me klientelizmin e tyre që administrata të jetë e varur dhe të mos ketë besim tek shteti. Rezultatet e zgjedhjeve reflektojnë fort edhe se kush ka më shumë para.

Nuk mund të presësh që një analizë gjaku të dalë pozitive nëse testohet një trup kaq i sëmurë, konstaton intelektuali Fatos Lubonja. Shqipëria është një demokraci pa politikanë në majë që mendojnë në mënyrë demokratike. Hapi tjetër është që shqiptarët të mësojnë si të shpëtojnë prej tyre. Urgjent.