Demonstrata, PS lajmeron "dere me dere" per qytetaret Qamil Xhani

Strukturat e Partise Socialiste dhe te zgjedhurit e pushtetit vendor qe i perkasin kesaj force politike kane nisur dje fushaten per lajmerimin e qytetareve per demonstraten e dates 21 janar. Kryetari Partise Socialiste, Edi Rama edhe kete here ka ideuar informimin "dere me dere" te qytetareve. Drejtuesit e PS-se jane orientuar qe te dorezoje flete palosje per demonstraten dhe te takojne njerezit ne shtepi dhe ne ambiente publike, duke u bere ftese "zyrtare" per te marre pjese ne tubimin qe socialistet thone se do te jete nder me masivet.
Organizimi
Ne menyre me te organizuar eshte zhvilluar fushata ne qytetin e Tiranes. Ne te gjithe njesit bashkiake, qe drejtohen nga PS-ja, kryetaret e minibashkive dhe deputetet e zonave kane shperndare fletepalosje ku shkruhet se demonstrata do te nise te premten ne oren 14:00. Kryetarja e njesise bashkiake numer 1, Lindita Nikolla, se bashku me deputetin Ditmir Bushati kane zhvilluar takime informuese me qytetare ne kete zone, duke i ftuar ata te marrin pjese ne tubim. Nikolla tha se takimi i se premtes eshte nje demonstrate e te gjithe shqiptareve. "Eshte demonstrate e te gjithe qytetareve te ketij vendi. Partia Socialiste eshte bashke me ju, bashke me qytetaret pa dallim ngjyrimi politik vetem ne emer te se mires se perbashket per t'i dhene fund kesaj qeverie kusaresh",-tha dje Nikolla, gjate takimit me banoret e kesaj njesie. E njejta procedure eshte ndjekur edhe ne zone te tjera te Tiranes. Informimi dhe takimet nuk kane munguar edhe ne qytetet te tjera te Shqiperise, si ne Durres, Elbasan etj.
Demonstrata
Pergatitja e demonstrates se dates 21 janar do te nise rreth ores 12:00. Nderkohe qe fillimi i saj zyrtarisht eshte percaktuar ora 14:00. Burime nga Partia Socialiste bejne te ditur se nuk jane planifikuar fjalime ne kete takim dhe s'do te kete podium me lidere. Drejtuesit e koalicionit opozitar do te jene ne shesh se bashku me turmen. Ndersa kreu i PS-se ne deklaratat e tij te meparshme ka thene se nuk do te kete as simbole dhe flamuj partish. Dje drejtuesit e opozites kane publikuar dhe sloganin qe do te kete demonstrata: "Sali dorezo Bllokun". Eshte parashikuar qe nisja e demonstruesve te behet nga te gjitha rruget duke u bashkuar ne oren 14:00 ne qender te kryeqytetit.