Denohet me 4.4 vjet burg lazaratasi

Sarande - I arrestuar per kultivim te lendeve narkotike, Gjykata e Sarandes ka denuar me 4.4 vjet burg, Bedri Bashen, 25 vjec. I denuari eshte nga Lazarati dhe eshte arrestuar ne daten 4 janar te ketij viti pasi, gjate hetimeve i jane gjetur gjurmet e gishterinjve ne thaset me kanabis sativa te gjetur ne bregdet. Ne tetor te vitit 2007, gjate operacionit "Vendosmeria", policia mundoi te bllokoje, 370 kilogram kanabis sativa, qe priste per tu trafikuara. Bedri Basha eshte i treti i ndaluar, pergjegjes per sasine e 370 kg hashash, te kapur me shume se nje vit me pare ne Sarande me destinacion Korfuzin. Gjate vendimit te dhene eshte bere e ditur se, Bedri Basha eshte arrestuar ne aksin rrugor Gjirokaster-Kakavije, ne vendin e quajtur Kordhoce, pasi per te ka nisur procedimi penal per vepren e "prodhimit dhe shitjes se lendeve narkotike". "Kapja e tij eshte bere per llogari te Drejtorise se Policise se Vlores, per arsye se ne ngarkim te ketij 25-vjecari ne muajin dhjetor te vitit te kaluar, nga Prokuroria e Rrethit Gjyqesor Sarande ka nisur procedimi penal per vepren penale te "prodhimit dhe shitjes se lendeve narkotike",- shkruhej ne vendimin e gjykates. Kanabisi u gjet me 24 tetor te 2007, ne vendin e quajtur derdhja e Kanalit te Cukes.