Depardieu me shtetësi ruse - Lajmi është konfirmuar nga Kremlini

Aktori francez Gerard Depardieu ka marrë shtetësinë ruse. Lajmi është bërë i ditur nga një deklarartë në faqen zyrtare të internetit të Kremlinit. “Vladimir Putin ka nënshkruar një dekret për dhënien shtetësinë ruse për Gerard Depardieu”- lexohet në deklaratë. Depardieu kohët e fundit njoftoi se do të heqë dorë nga pasaporta e tij franceze pas kritikave te shumta nga qeveria e socialistit Fransua Hollande. “Jam i sigurt se autoritetet franceze nuk duan të fyejn zotin Depardieu. Por në qoftë se ai do të donte të kishte një pasaportë ruse, e konsiderojmë këtë zgjedhje – u shpreh Putin gjatë konferencës së tij vjetore për shtyp më 20 dhjetor. Sipas kodit civil francez, shtetësia e dyfishtë është e lejuar, por ajo që është e paligjshme është të jesh pa shtetësi. Një person duhet të marrë një shtetësi tjetër para se të heqin dorë nga shtetësia franceze. Aktori i njohur ende nuk ka komentuar mbi deklaratën e fundit të Kremlinit.