Deputetet “OK” kredise per Levan-Vlore
Kredite nga institucionet tregtare do te jene burimet financiare qe qeveria do te perdore per ndertimin e rruges Levan-Vlore. Kostoja e pergjithshme e parashikuar per kete projekt arrin ne 60.2 milione euro, perfshire ketu kontributin e qeverise shqiptare qe perballon taksat, shpronesimet dhe TVSH-ne. Komisioni parlamentar i Ekonomise dhe Financave miratoi dje projektligjin “Per ratifikimin e kontrates financiare, ndermjet Republikes se Shqiperise dhe Bankes Evropiane te Investimeve (BEI), per financimin e projektit te rruges Levan-Vlore”. Konkretisht, parashikohet nje hua prej 23 milione eurosh nga BERZH per ndertimin e rruges Levan-Vlore. Projekti i rruges Levan-Vlore, pjese e Seksionit Panevropian te korridorit VIII, si nje nder objektivat kryesore te qeverise per sigurimin e nje infrastrukture rrugore kombetare ne standardet nderkombetare, parashikon ndertimin e segmentit rrugor Levan-Vlore te gjate 24.2 km me kater korsi. Projekti do te perfshije gjithashtu pergatitjen e studimeve te fizibilitetit, vleresimet e ndikimit mjedisor dhe vleresimet e auditeve te sigurise se rrugeve per projektet e ardhshme te perfshira ne programin e investimit te rrugeve dhe te shqyrtuara e te vleresuara per financimin nga BEI. Kjo shume sigurohet nga BEI, me nje hua prej 23 milione eurosh, BERZH me nje hua prej 22 milione eurosh, Kooperacioni Italian me nje grant prej 800 mije eurosh dhe fondet e veta te huamarresit, 14.4 milione euro. Aktualisht kane perfunduar procedurat e prokurimeve per shoqerine konsulente dhe supervizore, si dhe per ndertimin. Eshte shpallur shoqeria italiane “Italconsult”, me vleren tashme te kontraktuar prej 700 mije eurosh per sherbimet e konsulences dhe supervizionimit, si dhe shoqeria “Alpine Mayreder Bau Gmbh”, me vleren e kontraktuar prej 41 .9 milione eurosh per ndertimin.